تاعايىنداۋ • 22 قاڭتار، 2021

«Nur Otan» پارتياسىنىڭ قوعامدىق ساياسات ينستيتۋتىنىڭ ديرەكتورى تاعايىندالدى

24 رەت كورسەتىلدى

«Nur Otan» پارتياسىنىڭ قوعامدىق ساياسات ينستيتۋتىنىڭ ديرەكتورى بولىپ ءمادينا نۇرعاليەۆا تاعايىندالدى، دەپ حابارلايدى Egemen.kz.

پارتيا توراعاسىنىڭ ءبىرىنشى ورىنباسارى باۋىرجان بايبەك جاڭا باسشىلىق الدىنا بىرقاتار ماڭىزدى مىندەتتەر قويدى. سونىڭ ىشىندە الەۋمەتتىك-ساياسي كۇن تارتىبىنە سايكەس الەۋمەتتىك زەرتتەۋلەر جۇرگىزۋگە قاتىستى ناقتى تاپسىرمالار بەردى.

ونىڭ ايتۋىنشا، ناقتى توپتارعا باعىتتالعان جەكەلەگەن جانە ساپالى زەرتتەۋلەر جۇرگىزۋ قاجەت. ولار پارتيانىڭ سايلاۋالدى باعدارلاماسىن ىسكە اسىرۋ بويىنشا جۇمىستىڭ قانشالىقتى ساپالى جۇرگىزىلىپ جاتقانىن، ينديكاتورلار مەن كورسەتكىشتەرگە قانشالىقتى قول جەتكىزىلگەنىن، جەرگىلىكتى جەرلەردەگى حالىق سايلاۋالدى باعدارلامالاردى ىسكە اسىرۋدىڭ پايداسىن كورىپ جاتىر ما دەگەن سياقتى جانە ت. ب. ناقتى سۇراقتارعا جاۋاپ بەرۋى ءتيىس.

ءمادينا نۇرعاليەۆا ءار جىلدارى ءبىلىم مينيسترلىگى عىلىم كوميتەتىنىڭ فيلوسوفيا جانە ساياساتتانۋ ينستيتۋتىندا عىلىمي قىزمەتكەر، ساياسي شەشىمدەر ينستيتۋتىندا ساراپتامالىق-قولدانبالى ءبولىمنىڭ باسشىسى، الەۋمەتتىك-ساياسي زەرتتەۋلەر ءبولىمىنىڭ مەڭگەرۋشىسى، باس عىلىمي قىزمەتكەر، قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىندا ديرەكتوردىڭ ورىنباسارى بولىپ جۇمىس ىستەدى.

وسى تاعايىنداۋعا دەيىن ول قسزي الەۋمەتتىك زەرتتەۋلەر ءبولىمىنىڭ باسشىسى بولعان.

ساياسي عىلىمدار كانديداتى. 2003 جىلى ءال-فارابي اتىنداعى قازاق ۇلتتىق ۋنيۆەرسيتەتىن «ساياساتتانۋ» ماماندىعى بويىنشا، 2008 جىلى ءبىلىم مينيسترلىگى عىلىم كوميتەتىنىڭ فيلوسوفيا جانە ساياساتتانۋ ينستيتۋتىنىڭ اسپيرانتۋراسىن بىتىرگەن.   

بۇعان دەيىن وسى قىزمەتتى اتقارعان يۋليا كۋچينسكايا قازاقستان رەسپۋبليكاسى پارلامەنتىنىڭ ماجىلىسىندەگى «Nur Otan» فراكتسياسىنىڭ دەپۋتاتى بولدى.

سوڭعى جاڭالىقتار

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار