19 قاڭتاردا ساعات 22.35 شاماسىندا قاراقيا اۋدانىنىڭ اۋماعىندا قاراقيا اۋدانىنىڭ پب قىزمەتكەرلەرى 37 جاستاعى جۇرگىزۋشى باسقارىپ كەلە جاتقان “ۆاز-2121” ماركالى اۆتوكولىكتى توقتاتقان. تەكسەرۋ بارىسىندا اۆتوكولىك سالونىنان ءتورت قاپقا سالىنعان ەكى باس ارقاردىڭ جانە ءتورت باس قوياننىڭ ەتىنە ۇقساس ەتتەر الىندى.
ءمان-جايدى انىقتاۋ بارىسىندا قاراقيا اۋدانىندا ورنالاسقان “نۇرىم” شارۋا قوجالىعىنان ءبىر دانا ءبىر ۇڭعىلى 16 كاليبرلى اڭشى مىلتىعى, اتالعان شارۋا قوجالىقتان شامامەن 100 مەتر قاشىقتىقتاعى جىرا ىشىنەن ارقارعا ۇقساس ءبىر باس, ەكى دانا تەرى, سەگىز دانا سيراق الىندى.
وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ فاكتىسى بويىنشا سوتقا دەيىنگى تەرگەپ-تەكسەرۋ جۇرگىزىلۋدە. بارلىق قاجەتتى ساراپتامالار تاعايىندالدى.
