ەنەرگەتيكا مينيسترلىگى اپپاراتىنىڭ جاڭا باسشىسى تاعايىندالدى

تاعايىنداۋ • 22 قاڭتار، 2021

ەنەرگەتيكا مينيسترلىگى اپپاراتىنىڭ جاڭا باسشىسى تاعايىندالدى

11 رەت كورسەتىلدى

ەنەرگەتيكا ءمينيسترىنىڭ بۇيرىعىمەن تالعات امانگەلدى ۇلى مومىشەۆ ەنەرگەتيكا مينيسترلىگى اپپاراتىنىڭ باسشىسى لاۋازىمىنا تاعايىندالدى. بۇل تۋرالى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ حابارلايدى.

Marzhan Tileubekova

تالعات مومىشەۆ 1968 جىلى اقمولا وبلىسىندا دۇنيەگە كەلگەن.

1990 جىلى جامبىل گيدرومەليوراتيۆتىك-قۇرىلىس ينستيتۋتىن، 2001 جىلى الماتى ەكونوميكا جانە ستاتيستيكا ينستيتۋتىن تامامداعان.

1994-1996 جىلدارى — «قاراحان» قازاق-تۇرىك بىرلەسكەن كاسىپورنىنىڭ اتقارۋشى ديرەكتورى.

1997-1998 جىلدارى — جامبىل ستاندارتتاۋ جانە مەترولوگيا ورتالىعى ديرەكتورىنىڭ مەمقاداعالاۋ جونىندەگى ورىنباسارى. 1998 جىلى — «ينتەرسيستەما» جشس پرەزيدەنتى.

1998-1999 جىلدارى — جامبىل وبلىسى اكىمى اپپاراتىنىڭ اعا رەفەرەنتى. 1999-2000 جىلدارى — جامبىل وبلىستىق ينۆەستيتسيالار جانە جەس كوميتەتىنىڭ توراعاسى. 2000 جىلى — «مەترولوگيا» رمك الماتى بولىمشەسىنىڭ باسشىسى، «ۇلتتىق اككرەديتتەۋ ورتالىعى» اق ديرەكتورىنىڭ ءبىرىنشى ورىنباسارى. 2000-2005 جىلدارى — «ۇلتتىق ساراپتاما جانە سەرتيفيكاتتاۋ ورتالىعى» ااق استانا قالاسى بويىنشا وندىرىستىك باسقارماسىنىڭ باسشىسى. 2005-2010 جىلدارى — يندۋستريا جانە ساۋدا مينيسترلىگىنىڭ تەحنيكالىق رەتتەۋ جانە مەترولوگيا كوميتەتى توراعاسىنىڭ ورىنباسارى. 2010-2014 جىلدارى — مۇناي جانە گاز مينيسترلىگىنىڭ مۇناي-گاز كەشەنىندەگى مەملەكەتتىك ينسپەكتسيا كوميتەتىنىڭ توراعاسى. 2014-2016 جىلدارى — ەنەرگەتيكا مينيسترلىگىنىڭ مۇناي-گاز كەشەنىندەگى ەكولوگيالىق رەتتەۋ، باقىلاۋ جانە مەملەكەتتىك ينسپەكتسيا كوميتەتىنىڭ توراعاسى. 2016-2018 جىلدارى — قر پرەزيدەنتى اكىمشىلىگىنىڭ مەملەكەتتىك ينسپەكتورى. 2018-2019 جىلدارى — جامبىل وبلىسى اكىمىنىڭ ورىنباسارى. 2019 جىلعى 8 ساۋىردەن 2021 جىلعى 19 قاڭتارعا دەيىن — قر ەنەرگەتيكا مينيسترلىگىنىڭ جاۋاپتى حاتشىسى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز