«ازاماتتىق باستامالاردى قولداۋ ورتالىعى» كەاق دەرەكتەرى بويىنشا ەلىمىزدىڭ 145 كوممەرتسيالىق ەمەس ۇيىمىنان بارلىعى 256 ءوتىنىم كەلىپ تۇسكەن.
كونكۋرس ازاماتتىق باستامالاردى قولداۋ, قوعامنىڭ الەۋمەتتىك ماڭىزدى ماسەلەلەرىن شەشۋگە ازاماتتىق قوعام ينستيتۋتتارىنىڭ الەۋەتىن تارتۋ ماقساتىندا وتكىزىلەدى.
قوعامدىق ۇيىمدار 28 گرانت تاقىرىبى بويىنشا ءوز جوبالارىن ۇسىندى. وتىنىمدەر سانى بويىنشا كوشباسشى جوبالار: «پروفناۆيگاتسيا» جوباسىن ىسكە اسىرۋ (21 ءوتىنىم), جاستار اراسىندا ءسۋيتسيدتىڭ الدىن الۋ جونىندەگى شارالار كەشەنىن ازىرلەۋ جانە ىسكە اسىرۋ (19), جاستار اراسىندا ەكولوگيالىق مادەنيەتتى نىعايتۋ جونىندەگى شارالار كەشەنىن ازىرلەۋ جانە ىسكە اسىرۋ (18), اۋىلدىق ەلدى مەكەندەر تۇرعىندارىنىڭ قۇقىقتىق ساۋاتتىلىعىن ارتتىرۋ (18), «تاۋەلسىزدىك ۇرپاقتارى» جوباسىن ىسكە اسىرۋ (17), جاستار اراسىندا وتباسىلىق قۇندىلىقتاردى نىعايتۋ (17), جاستار اراسىندا سالاۋاتتى ءومىر سالتىن قالىپتاستىرۋ (14), قازاقستاننىڭ ۇەۇ اراسىندا الەۋمەتتىك كاسىپكەرلىكتى ىنتالاندىرۋ جانە جانداندىرۋ (11 ءوتىنىم) جانە باسقا جوبالار.
سانى جاعىنان ەڭ بەلسەندى وڭىرلەر نۇر-سۇلتان (98) جانە الماتى (82) قالالارى, پاۆلودار وبلىسى (18), شىعىس قازاقستان وبلىسى (15) بولدى. ەڭ از ءوتىنىم اتىراۋ, ماڭعىستاۋ, قوستاناي وبلىستارىنان كەلىپ ءتۇستى; اقمولا وبلىسىنىڭ قوعامدىق ۇيىمدارىنان 1 عانا ءوتىنىم كەلىپ ءتۇستى.
الدىمەن «ازاماتتىق باستامالاردى قولداۋ ورتالىعى» كەاق مەنەدجەرلەرى وتىنىمدەردىڭ گرانتتاردى تاعايىنداۋ قاعيداسىنىڭ تالاپتارىنا سايكەستىگىن قارايدى, كەيىن جوبالار تاۋەلسىز ساراپشىلاردىڭ قاراۋىنا بەرىلەتىن بولادى.
