جاڭا ەكولوگيالىق كودەكستىڭ ەرەكشەلىگى قانداي؟

قوعام • 21 قاڭتار، 2021

جاڭا ەكولوگيالىق كودەكستىڭ ەرەكشەلىگى قانداي؟

9 رەت كورسەتىلدى

تەمىرتاۋ – قازاقستاننىڭ ءىرى ونەركاسىپتىك قالالارىنىڭ ءبىرى. وڭىردەگى ەكولوگيالىق احۋالدى جاقسارتۋ ءۇشىن كاسىپورىنداردا ەڭ وزىق قولجەتىمدى تەحنولوگيالار قاعيداتتارىن ەنگىزۋ قاجەت. وسى كەڭەس اياسىندا ەكولوگيالىق كودەكستىڭ جاڭا رەداكتسياسىنىڭ نەگىزگى باپتارى تالقىلاندى.بۇل تۋرالى ەكولوگيا مينيسترلىگىنىڭ ءباسپاسوز قىزمەتى حابارلادى.

اقمارال اعزامقىزى

ونەركاسىپتىڭ وقت قاعيداتتارىنا كوشۋى ءۇشىن وقت بويىنشا انىقتامالىقتاردى ازىرلەۋ قاجەت، نەگىزى لاستاعىشتار – توپ-50 دەپ اتالاتىن ونەركاسىپتىك كاسىپورىنداردىڭ كەشەندى تەحنولوگيالىق ءاۋديتىنىڭ ناتيجەلەرى بولىپ تابىلادى.

وقت انىقتامالىعى نەگىزگى قۇجاتتاردىڭ ءبىرى بولىپ تابىلادى، ونىڭ ماقساتى ەڭ جاقسى قولجەتىمدى تەحنولوگيالاردى ەنگىزۋ جانە بەلگىلى ءبىر سالا ءۇشىن ءتيىستى ساپا ستاندارتتارىن بەلگىلەۋ بولىپ تابىلادى.

بۇل ستاندارتتى "حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى" كەاق ازىرلەيدى.

وتىرىستا اتالعان ورتالىقتىڭ وكىلى سەرىك نۇركەنوۆ كەشەندى تەحنيكالىق ءاۋديتتىڭ ماقساتى نە جانە ول ەلىمىزدە قالاي جۇرگىزىلەتىنى تۋرالى ايتىپ بەردى. ء«اۋديتتىڭ ماقساتى - كاسىپورىنداردىڭ قازىرگى تەحنولوگيالىق جاعدايىن، سونداي-اق قورشاعان ورتاعا جاعىمسىز انتروپوگەندىك اسەردىڭ الدىن-الۋعا جانە ازايتۋعا باعىتتالعان كاسىپورىنداردا قولدانىلاتىن ەڭ جاقسى تاجىريبەنى وقت قاعيداتتارىنا سايكەس باعالاۋ»، دەپ ءتۇسىندىردى ول.

50 كاسىپورىن حالىقارالىق جانە ۇلتتىق ساراپشىلار توبىنىڭ كەلۋى ارقىلى تەكسەرىلەدى. بۇگىنگى كۇننىڭ وزىندە 18 كاسىپورىندا كوشپەلى اۋديت اياقتالدى، ونىڭ ىشىندە: تسەمەنت سالاسىنىڭ 5 كاسىپورنى (2020); حيميا سالاسىنىڭ 1 كاسىپورنى (2020); 3 ءموز (2020 جىلدىڭ 1 توقسانى); ەنەرگەتيكا سالاسىنىڭ 9 كاسىپورنى (2019). ءالى باراتىن 32 كومپانيا بار.

سونداي-اق، ءىس-شاراعا ەكولوگيا، گەولوگيا جانە تابيعي رەسۋرستار ۆيتسە-ءمينيسترى احمەتجان پىرىمقۇلوۆ تا قاتىستى. ءوز سوزىندە ول جاڭا ەكولوگيالىق كودەكستە تابيعات پايدالانۋشىلارعا ەكولوگيالىق ايىپپۇل تولەۋدەن گورى قورشاعان ورتاعا تەرىس اسەر ەتۋدى بولدىرماۋ ءۇشىن ءتيىمدى شارالار قاراستىرىلاتىنىن اتاپ ءوتتى. ەكولوگيالىق كودەكستىڭ ماڭىزدى باپتارىنىڭ ءبىرى – ەڭ وزىق قولجەتىمدى تەحنيكالاردى ەنگىزۋ.

«ەگەر كاسىپورىندار وقت-عا اۋىسپاسا، وندا ەميسسيالار ءۇشىن تولەم ستاۆكالارى وسەدى: 2025 جىلدان باستاپ ولار 2 ەسە، 2028 جىلدان باستاپ 4 ەسە جانە 2031 جىلدان باستاپ 8 ەسە وسەدى».

وقT ەنگىزۋدە مىسالى رەتىندە لاستاۋشى زاتتار شىعارىندىلارىنىڭ مولشەرى ايتارلىقتاي ازايتىلعان ەۋروپا ەلدەرىنىڭ تاجىريبەسى سەپ بولدى: ازوت وكسيدتەرى (NO2) - 69%، كۇكىرت وكسيدتەرى (SO2) - 94%، ال شاڭ/قاتتى بولشەكتەر - 94%.

قازىرگى ۋاقىتتا قولدانىستاعى زاڭنامادا تابيعاتتى قورعاۋ ءىس-شارالارىنا ەميسسيا ءۇشىن تۇسكەن تولەمدەردى ماقساتتى جۇمساۋ مىندەتى جوق. سوندىقتان جەرگىلىكتى اتقارۋشى ورگاندار كەلىپ تۇسەتىن قاراجاتتىڭ 45%-ىن عانا ورشاعان ورتانى قورعاۋعا ءبولدى. وسىعان بايلانىستى ىلەسپە زاڭ جوباسىندا جەرگىلىكتى اتقارۋشى ورگاندار قورشاعان ورتانى قورعاۋ قىزمەتىن كەلىپ تۇسكەن ەكولوگيالىق تولەمدەر ەسەبىنەن 100% مولشەرىندە قارجىلاندىرۋعا مىندەتتى ەكەندىگى كورسەتىلگەن.

«قاراعاندى وبلىسىندا 2019 جىلى قورشاعان ورتاعا ەميسسيا ءۇشىن بيۋدجەتكە تۇسەتىن تۇسىمدەر شامامەن 16،7 ملرد.تەڭگەنى قۇرادى، 2020 جىلى دا وسىنداي. جاڭا كودەكسكە سايكەس، 2022 جىلدان باستاپ اتالعان سومانى جەرگىلىكتى اتقارۋشى ورگاندار ءوڭىردىڭ تابيعاتتى قورعاۋ شارالارىنا جۇمساۋعا ءتيىس»، - دەپ تولىقتىردى ۆيتسە-مينيستر.

وقت قاعيداتتارى 10 جىل ىشىندە كەزەڭ-كەزەڭىمەن ەنگىزىلۋى ءتيىس. سەرىك نۇركەنوۆتىڭ ايتۋىنشا، وقت - بۇل ۋاقىتپەن رەتتەلەتىن، ونەركاسىپتىك جانە ەكولوگيالىق ساياساتتىڭ سينەرگياسىنا، سونداي-اق ەكونوميكالىق تيىمدىلىكتىڭ ارتۋىنا جانە قورشاعان ورتاعا تەرىس اسەردىڭ تومەندەۋىنە اكەلەتىن وڭتايلى پروتسەسس.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز