جارىستىڭ ەكىنشى اينالىمىندا جەرلەستەرىمىز ماجارستان قۇراماسىمەن شەبەرلىك بايقاستى. بۇل كوماندا وتە ازۋلى. ولاردىڭ ەكى دۇركىن الەم جانە ءۇش دۇركىن ەۋروپا چەمپيونى دەگەن اتاعى بار. ايتۋلى دودالاردا ماجارستاندىقتار سان مارتە كۇمىس جانە قولا مەدالدى مويىندارىنا ءىلدى. قاتارىنان سوڭعى ءۇش وليمپيادادا ءتورتىنشى ورىنعا تابان تىرەدى. ايتقانداي-اق, بۇل باسەكەدە قارسىلاستارىمىزدىڭ باسىمدىعى انىق بايقالىپ, ولار 23:6 ەسەبىمەن جەڭىسكە جەتتى. قازاقستاندىق ۆاتەرپولشىلار اراسىنان اناستاسيا مۇراتاليەۆا ەكى گول سوقسا, داريا روگا, اناستاسيا ەرەمينا, ۆيكتوريا حريتانكوۆا جانە اننا تۋروۆا ءبىر-ءبىر رەتتەن نىسانانى ءدال كوزدەدى.
ەستەرىڭىزگە سالا كەتەيىك, ءبىزدىڭ ارۋلار يتالياداعى ءتۋرنيردىڭ تۇساۋكەسەر كەزدەسۋىندە دە ۇتىلعان بولاتىن. جەرلەستەرىمز گرەكياعا 5:13 ەسەبىمەن ەسە جىبەردى. 21 قاڭتاردا قازاقستاندىقتار يزرايل قۇراماسىمەن كۇش سىناسادى.
