اتالعان ءبىلىم ورداسىنىڭ «حورەوگرافيا» فاكۋلتەتى ۇيىمداستىرعان ونەر بايگەسى كارانتيندىك شەكتەۋلەرمەن بايلانىستى ونلاين فورماتىندا وتكەن. كونكۋرسقا قاتىسۋشىلاردىڭ بارلىق جۇمىستارى تاۋەلسىز توراعانىڭ باسشىلىعىمەن جوعارى بىلىكتى قازىلار قۇرامىمەن قارالىپ, باعالانعان. قازاقستاننىڭ ەڭبەك سىڭىرگەن قايراتكەرى, قازاق ۇلتتىق حورەوگرافيا اكادەمياسىنىڭ پروفەسسورى ا.ت.اليشەۆا قازىلار القاسىنىڭ توراعاسى بولسا, قازىلار القاسىنىڭ مۇشەلەرى ونەر وشاعىنا اينالعان جۇرگەنوۆ اكادەمياسىنىڭ بەلدى ۇستازدار قاۋىمىنان قۇرالعان.
«Uly Dala Jastary» بيىل ءۇشىنشى مارتە جالعاسىن تاۋىپ وتىر. تاۋەلسىزدىگىمىزدىڭ 30 جىلدىعى قارساڭىندا ۇيىمداستىرىلعان بايقاۋدى پاندەميا جاعدايلارىنا بايلانىستى, كارانتيندىك شەكتەۋلەردى ساقتاي وتىرىپ, ونلاين فورماتىندا وتكىزۋدى قۇپ كوردىك. بۇل ءبىز ءۇشىن ۇلكەن تاجىربيە بولدى. وسى تۇستا, تالانتتى جاسقا سەرپىن بەرەتىن وسى باستامانىڭ نەگىزگى قولداۋشىسى بولعان اكادەميا رەكتورى ابدۋاليەۆ اقان جىلقىشىباي ۇلىنا العىسىمىزدى جەتكىزگىم كەلەدى. جانە ەكراننىڭ ارعى جاعىنان بولسا دا, بارىن سالىپ, بويىنداعى دارىنىن كورسەتۋگە تىرىسىپ باققان قاتىسۋشىلارعا دا شىنايى ءتانتى بولدىق», - دەيدى حورەوگرافيا فاكۋلتەتىنىڭ دەكانى دميتري سۋشكوۆ.
بايقاۋعا قاتىسۋ ءۇشىن ۇمىتكەرلەر 7 قاڭتارعا دەيىن ءوز وتىنىمدەرىمەن قوسا ماتەريالدارىن ۇيىمداستىرۋشىلار الدىن الا حابارلاعان مەكەنجاي بويىنشا جىبەرگەن. ايتا وتەيىك, قاتىسۋشىلار 2 اينالىم بويىنشا باقتارىن سىنادى. بايقاۋدىڭ جۇمىستارى 11-13 قاڭتار ارالىعىندا قارالعان. سونىمەن, بايقاۋ ناتيجەلەرى تومەندەگىدەي:
«حورەوگرافيا پەداگوگيكاسى» دايىندىق بەيىنى بويىنشا:
- 1 ورىن – بەيبىتوۆا اياجان قۋاتقىزى (اباي اتىنداعى جامبىل گۋمانيتارلىق كوللەدجى)
- 2 ورىن - ۋاحيتوۆا گۇلنۇر ەركىنقىزى (تاتتىمبەت اتىنداعى قاراعاندى ونەر كوللەدجى) .
«قازىرگى زامانعى حورەوگرافيا پەداگوگيكاسى» دايىندىق بەيىنى بويىنشا»:
- 1 ورىن – دۇزەلبەك نۇردانا ەرمەكبايقىزى (تاتتىمبەت اتىنداعى قاراعاندى ونەر كوللەدجى)
- 2 ورىن - تۇرىسبەكوۆا سايا ەرىكبەكقىزى ( م.تولەباەۆ اتىنداعى مۋزىكالىق ۋچيليششەنىڭ تۇلەگى)
- 3 ورىن – عۇمار ديانا ماراتوۆنا (تاتتىمبەت اتىنداعى قاراعاندى ونەر كوللەدجى)
«بالەتمەيستەرلىك ونەر» دايىندىق باعىتى بويىنشا»:
- 1 ورىن – جاكسىلىكوۆا ايدا ماۋلەنوۆنا (ا. ۆ. سەلەزنەۆ اتىنداعى الماتى حورەوگرافيالىق ۋچيليششەسىنىڭ تۇلەگى)
سونداي-اق, قر تاۋەلسىزدىگىنىڭ 30 جىلدىعىنا وراي قولعا الىنعان ءىس-شارالاردىڭ لەگى جالعاسادى. ول اكادەميا جوسپارىنا ەنىپ وتىر.
راسىندا, مادەنيەتتىڭ تاريحي داتانىڭ ماڭىزىن ۇعىندىرۋعا, جاس ۇرپاقتىڭ بويىنا وتانسۇيگىشتىك قاسيەتتەرىن ۇيالاتۋعا قاۋقارى جەتەتىنى انىق.
