ونىڭ ايتۋىنشا, سۋ تاسقىنى قاۋپىنىڭ الدىن الۋ ءۇشىن كاسىپورىن وتكەن جىلدىڭ كۇزىنەن باستاپ سۋ قويمالارىندا بوس سىيىمدىلىقتار قۇرۋ بويىنشا جۇمىس جۇرگىزىلىپ كەلەدى.
ء«بىز بۇل باعىتتا 2020 جىلدىڭ كۇزىنەن باستاپ جۇمىس ىستەپ كەلەمىز. سونداي-اق, باسسەيندىك ينسپەكتسيالارمەن, تج وكىلدەرىمەن جانە اكىمدىكتەرمەن بىرلەسىپ گيدروتەحنيكالىق قۇرىلىستاردى كوزبەن شولىپ تەكسەرۋ جۇرگىزدىك. تج تۋىنداعان جاعدايدا قۇرىلىس جانە باسقا دا ينەرتتى ماتەريالداردىڭ, قاپتاردىڭ قاجەتتى قورلارى دايىندالدى, ءتيىستى ارنايى تەحنيكا بار, ججم دايىندالدى», دەدى ول.
ەرلان سادۋاقاسوۆ «قازسۋشار» رمك بالانسىندا رەسپۋبليكالىق مەنشىكتەگى 4 953 سۋ شاراۋاشىلىعى جانە گيدرومەليوراتيۆتىك وبەكتىلەر, ونىڭ ىشىندە 86 سۋ قويماسى, 84 سۋ تورابى, 36 بوگەت, 103 سورعى ستانساسى, 46 باس قۇرىلىس, 3 298 كانال جانە باسقا دا سۋ شارۋاشىلىعى وبەكتىلەرى بار ەكەنىن جەتكىزدى.
«بارلىق سۋ قويمالارى بەكىتىلگەن كەستەگە سايكەس ىسكە قوسۋ رەجىمىندە جۇمىس ىستەيدى جانە كوكتەمگى سۋ تاسقىنىن قابىلداۋعا ارنالعان سىيىمدىلىق قورى بار. ونى جوبالىق كولەمگە دەيىن تولتىرعان جانە ۇلكەن تاسقىن سۋلار كەلگەن جاعدايدا ترانزيتتىك رەجىمدە جۇمىس ىستەيتىن بولادى», دەپ حابارلادى قازسۋشار باسشىسىنىڭ ورىنباسارى.
ە.سادۋاقاسوۆ قازاقستاندا سۋ تاسقىنى كەزەڭى وڭتۇستىك وڭىرلەردى قوسپاعاندا, ناۋرىز ايىنىڭ باسىندا باستالاتىنىن, ال ەرىگەن سۋ اقپاننىڭ باسىندا كەلەتىنىن اتاپ ءوتتى. سۋ تاسقىنى ماۋسىمىنىڭ ءساتتى ءوتۋى اۋا-رايى جاعدايىنا جانە سۋ تاسقىنىنا قارسى ۋاقتىلى قابىلدانعان شارالارعا تىكەلەي بايلانىستى.
«اقپان ايىندا قازگيدرومەت ىلعال قورىنىڭ كولەمى مەن توپىراقتىڭ قاتۋ تەرەڭدىگى تۋرالى اقپاراتتى ۇسىنادى. بۇل كوكتەمگى سۋ تاسقىنى قاۋپى بار ايماقتاردى انىقتايدى. سونداي-اق, ولاردىڭ مالىمەتتەرى نەگىزىندە ءبىز سۋ قويمالارىنىڭ جۇمىس رەجىمىن تۇزەتەمىز. بۇل قاۋىپتى گيدرولوگيالىق قۇبىلىستاردى دەر كەزىندە انىقتاۋ, گيدروتەحنيكالىق قۇرىلىستاردىڭ جاعدايىن باقىلاۋ ءۇشىن جاسالادى», دەپ تۇيىندەدى ول.
