ازاماتتىق-قۇقىقتىق سيپاتتاعى شارتتار جاساسقان جەكە تۇلعالار جانە جۇمىسكەرلەر ءۇشىن مزج جانە ءمامس جارنالارى بويىنشا شەگەرىمدەردى قولدانۋ جونىندەگى كۇشىنە ەنگەن نورمالار قاتە بولىپ تابىلمايدى. اتالعان نورمالار 2018 جىلدان (مزج بويىنشا) جانە 2020 جىلدان ء(مامس جارنالارى بويىنشا) رەتروسپەكتيۆتى تۇردە قولدانىسقا ەنەدى.
بۇل نورما قازىرگى ۋاقىتتا ەلىمىزدەگى قانداي دا ءبىر قوعامدىق بىرلەستىكتەر, قاۋىمداستىقتار مۇددەلەرىن بىلدىرمەيتىن جەكە تۇلعالاردىڭ قۇقىقتارىن قورعاۋ ماقساتىندا ەنگىزىلگەن. بۇدان باسقا كومپانيالاردىڭ ەداۋىر بولىگى ءوز قىزمەتكەرلەرىن ازاماتتىق-قۇقىقتىق سيپاتتاعى شارتتارعا اۋىستىردى. بۇل ارەكەتتەرى ازاماتتاردىڭ الەۋمەتتىك قورعالماۋى مەن ەرتەڭگى كۇنىنە سەنىمسىزدىگىن تۋدىرادى. ودان باسقا جۇمىس بەرۋشىلەر تاراپىنان وسىنداي قىزمەتكەرلەر بويىنشا ەڭبەكاقى تولەۋ قورىنان الەۋمەتتىك سالىقتى (9,5%) تولەمەۋ ءۇشىن, سالىق مىندەتتەمەلەرىن وڭتايلاندىرعانىن اتاپ ايتقان ءجون.
ءوز ۋاقىتىندا جەكە تابىس سالىعى سالىناتىن تابىستان مزج جانە ءمامس جارنالارى الىنىپ تاستالماعان. وسىعان بايلانىستى جەكە تۇلعالار تابىستارىنىڭ شامامەن 11%-ىنا (مزج-نىڭ 10%-ىنا جانە ءمامس-ءتىڭ 1%-ىنا) جەكە تابىس سالىعى سالىندى. ياعني مىسالى, تابىسى 100,0 مىڭ تەڭگە بولعان جاعدايدا جتس 8,9 مىڭ تەڭگەنىڭ ورنىنا 10,0 مىڭ تەڭگەنى قۇرادى ((100,0 – 10,0 – 1,0)*10%). وسى سەبەپتى سالىق كودەكسىنە وزگەرىستەر ەنگىزىلدى.
ءوز كەزەگىندە سالىق تولەۋشى (سالىق اگەنتى) قوسىمشا سالىق ەسەپتىلىگىن تولتىرا وتىرىپ, تالاپ قويۋ مەرزىمى ىشىندە سالىق ەسەپتىلىگىنە ءوز ەركىمەن وزگەرىستەر مەن تولىقتىرۋلار ەنگىزۋگە قۇقىلى. بۇل رەتتە سالىق تولەۋشىنىڭ ءوتىنىشى بويىنشا جەكە تابىس سالىعىنان قالىپتاسقان ارتىق تولەنگەن سالىق بيۋدجەتتەن قايتارىلادى.
