سپورت • 20 قاڭتار، 2021

ولگا رىپاكوۆانىڭ جۇلدەسى ءۇشىن جارىس وتەدى

11 رەت كورسەتىلدى

30 قاڭتاردا وسكەمەندە قازاقستاننىڭ ايگىلى سپورتشىسى، جەڭىل اتلەتيكادان وليمپيادا چەمپيونى ولگا رىپاكوۆانىڭ جۇلدەسى ءۇشىن حالىقارالىق تۋرنير وتەدى، دەپ حابارلايدى Egemen.kz.

ولگا رىپاكوۆا 1984 جىلدىڭ 30 قاراشاسىندا وسكەمەندە دۇنيەگە كەلدى. ءۇش قارعىپ سەكىرۋدەن ول 2008 جىلى بەيجىڭ وليمپياداسىندا كۇمىس مەدالدى يەلەنسە، 2012 جىلى لوندوندا التىننان القا تاعىندى. 2016 جىلى ريو-دە-جانەيرودا قولا جۇلدەنى ولجالادى. ودان بولەك، الەم چەمپيوناتىندا ءۇش رەت جۇلدەگەرلەر ساناتىنان كورىنىپ، جابىق عيمارتتا الەم چەمپيونى اتاندى. ولگا ازيا ويىندارىندا ءتورت مارتە توپ جارىپ، باسقا دا كوپتەگەن حالىقارالىق جارىستاردا جاسىنداي جارقىرادى. 

ولگا رىپاكوۆانىڭ جۇلدەسى ءۇشىن وتەتىن جارىستا بيىل قازاقستاننىڭ ورەندەرىنەن بولەك، ءازىربايجان، ارمەنيا، ۋكراينا، قىرعىزستان جانە وزبەكستاننىڭ سپورتشىلارى باق سىنايدى دەپ كۇتىلۋدە.

سوڭعى جاڭالىقتار

ۇقساس جاڭالىقتار