ايماقتار • 19 قاڭتار، 2021

دەپۋتاتتار نەگە تارتىپكە باعىنباعان؟

867 رەت كورسەتىلدى

زاڭ قاراعا دا حانعا دا ورتاق. الايدا، سەمەي قالالىق ءماسليحاتىنىڭ دەپۋتاتتارى 7 شاقىرىلىمنىڭ  العاشقى سەسسياسىنىڭ وتىرىسىندا ماسكاسىز سۋرەتكە تۇسكەن، دەپ حابارلايدى Egemen.kz

ەستەرىڭىزدە شىعار، جۋىقتا زايسان، اياگوز اۋداندارىندا قۇقىق قورعاۋ قىزمەتكەرلەرى اي دالادا ماسكاسىز جۇرگەن تۇرعىندارعا 41 مىڭ تەڭگەنىڭ ايىپپ ۇلىن ارقالاتقان. ال، ماسكاسىز، ارا قاشىقتىقتى ساقتاماي وتىرعان دەپۋتاتتارعا قانداي شارا قولدانىلادى؟ وبلىستىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءباسپاسوز قىزمەتىنىڭ حابارلاۋىنشا، الگوريتمگە سايكەس پوليتسيادان راپورت تۇسپەسە، اكىمشىلىك ءىس قارالمايدى. ازىرشە انىقتاۋ، تەكسەرۋ جۇمىستارى ءجۇرىپ جاتقان كورىنەدى.  

سەمەي قالالىق ءماسليحاتىنىڭ حاتشىسى بەيسەنبەك اقجالوۆتىڭ الەۋمەتتىك جەلىلەردەگى، سايتتارداعى پىكىرىنە سۇيەنسەك، قالالىق ءماسليحات دەپۋتاتتارى ەكى رەت فوتوعا ءتۇسىپتى. بىرىنشىسىندە بەتپەردەمەن ەكەن. «بۇدان كەيىن دەپۋتاتتار ەستەلىك ءۇشىن بەتپەردەسىز سۋرەتكە تۇسەيىك دەدى. ارامىزدا ەكى-ءۇش دارىگەرلەر بار. ولار «شامامەن 30 سەكۋند تىنىسىمىزدى تارتىپ، دەمالماي تۇرايىق، ءبىزدى تەز سۋرەتكە ءتۇسىرىپ السىن» دەدى. مۇندا تۇرعان نە بار؟ تەك بەتپەردەمىزدى شەشتىك تە، سۋرەتكە تۇستىك، بىردەن كيىپ الدىق»، دەيدى ب.اقجالوۆ.

بۇل جاعدايعا بايلانىستى سەمەيدەگى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى بەرىك تىلەبالدين مۇنىڭ دۇرىس ەمەستىگىن ايتادى.

– ىسپەن اينالىسىپ جاتىرمىز. ءماسليحات حاتشىسى جاۋاپ بەرۋى ءتيىس. ولار بەتپەردەنى تەز شەشىپ، تەز كيدىك دەپ وتىر. بۇل، ارينە، دۇرىس ەمەس. قازىر الەۋمەتتىك قاشىقتىقتى قاتاڭ ساقتاۋىمىز كەرەك. بارلىق جەردە بەتپەردە كيۋ رەجيمى، - دەدى سەمەي قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى بەرىك تىلەبالدين.

شىعىس قازاقستان وبلىسى

سوڭعى جاڭالىقتار

ۇقساس جاڭالىقتار