ءبىلىم • 19 قاڭتار، 2021

جوعارعى جىلدامدىقتى ينتەرنەتكە قول جەتپەي تۇر

65 رەت كورسەتىلدى

قازاقستانداعى وتباسىلاردىڭ جارتىسى عانا جوعارعى جىلدامدىقتى ينتەرنەتكە قول جەتكىزگەن. ماسەلەن، شىمكەنتتەگى 5 وتباسىنىڭ تەك بىرەۋى عانا كەڭجولاقتى سىمدى ينتەرنەتكە قولجەتكىزسە، قالا مەكتەپتەرىندەگى ءبىر كومپيۋتەرگە شاققانداعى وقۋشى سانى 23-كە تەڭ.

رەسمي دەرەك بويىنشا، 2019 جىلى قازاقستان مەكتەپتەرىندەگىى 1 كومپيۋتەرگە 11 وقۋشىدان كەلەدى ەكەن. ال جوعارعى جىلدامدىقتاعى ينتەرنەت بولسا تەك 47 پايىز وتباسىندا عانا بار.

 مۇعالىمدەر مەن وقۋشىلاردىڭ تسيفرلى ساۋاتىنىڭ تومەندىگى مەن ءتيىمسىز وقۋ جۇيەسى ەلدەگى ءبىلىم بەرۋدەگى تەڭسىزدىكتى ودان ارى ۇدەتتى. دۇنيەجۇزىلىك بانك باعالاۋى بويىنشا، قاۋىپتى جاعدايلاردا از قامتىلعان، الىس اۋداندارداعى، ەرەكشە كۇتىمدى قاجەت ەتەتىن توپتار قالدى. 

 قازاقستانداعى جانە ايماقتاعى ءبىلىم بەرۋ مەن تەڭسىزدىك جايلى ايتقاندا ساراپشىلاردىڭ جاعدايدى ساراپتاۋ جانە ىنتاماقتاستىق نەگىزىندەگى پىكىرلەرى تولىققاندى قامتىلمايدى. PaperLab قوعامدىق قورىنىڭ زەرتتەۋشىلەر كومانداسى قازاقستان، قىرعىزستان، وزبەكستان مەن تاجىكستان ۇكىمەتتەرىنىڭ قابىلداپ جاتقان شارالارىنىڭ تيىمدىلىگى مەن ءرولىن باعالاۋ بويىنشا ترانسشەكارالىق جوبانى باستادى.

ينفوگرافيكا

ء ار ەلدەگى ساراپشىلار پوستپاندەميا وتپەلى كەزەڭىندەگى مىقتى جانە ءالسىز تۇستاردى انىقتاي وتىرىپ، ايماقتاعى ەكونوميكالىق تەڭسىزدىك پەن ءبىلىم بەرۋدەگى قولجەتىمدىلىكتىڭ بايلانىسى جونىندەگى پىكىرتالاستى ارتتىرادى دەپ كۇتىلۋدە.

 جوبا اياسىندا ءبىلىم بەرۋدەگى تەڭسىزدىك يندەكسى ءادىسناماسىن جاساۋ جوسپارلانۋدا. ول ايماق ەلدەرىن ءبىر-بىرىمەن سالىستىرۋدى عانا ەمەس، ارتتا قالعان سالالاردى انىق كورۋگە مۇمكىندىك بەرەدى. سونىمەن قاتار، شەشىم قابىلدايتىن تۇلعالاردىڭ نازارىن اتالمىش پروبلەماعا اۋدارتۋعا تىرىسادى.

 «ورتا ازيا ەلدەرىندەگى ءبىلىم تەڭسىزدىگىنىڭ جاڭا قىرلارى: ماسەلەنى زەرتتەۋ جانە ءبىلىم ساياساتىن وزگەرتۋ» جوباسى سوروس-قازاقستان قورىنىڭ قولداۋىمەن جۇزەگە اسىرىلادى. زەرتتەۋدىڭ مازمۇنى اۆتورلاردىڭ كوزقاراسىن بىلدىرەدى جانە قور كوزقاراسىمەن سايكەس كەلمەۋى مۇمكىن. جوبانىڭ مەدياسەرىكتەسى – MediaNet حالىقارالىق جۋرناليستيكا ورتالىعى.

سوڭعى جاڭالىقتار

ۇقساس جاڭالىقتار