الەم • 19 قاڭتار، 2021

جاساعانىما وكىنبەيمىن: «ۋحان كۇندەلىگىنىڭ» اۆتورى كوروناۆيرۋسقا قاتىستى پىكىر ءبىلدىردى

1842 رەت كورسەتىلدى

COVID-19 پاندەمياسى كەزىندەگى قىتايدىڭ ۋحان قالاسىنداعى ءومىر تۋرالى باياندايتىن قۇجاتتىڭ اۆتورى فان فان بيلىكتىڭ سىنىنا جاۋاپ ايتتى. جازۋشى كوروناۆيرۋس ىندەتى باستالعان العاشقى كۇندەردەگى ۋحاندى سيپاتتاعانى ءۇشىن قىتاي ۇكىمەتى تاراپىنان ەسكەرتۋ العان، دەپ حابارلايدى Egemen.kz

«الدا كەلە جاتقان اپات جاعدايىندا ءوز پىكىرىمىزدى ءبىلدىرىپ، بۇكىل الەمگە كەڭەس بەرۋ وتە ماڭىزدى»، دەيدى ول.

ەپيدەميا باستالعاننان 76 كۇنگە سوزىلعان وقشاۋلانۋ كەزىندە ۋحاننىڭ 11 ميلليون تۇرعىنىنىڭ باسىم كوپشىلىگى فاننىڭ ونلاين كۇندەلىكتەرىن وقۋدى ادەتكە اينالدىرعان. سونىمەن قاتار، كۇندەلىكتە ۆيرۋس العاش پايدا بولعاندا قالانىڭ شىنايى كورىنىسىن وقىپ-بىلۋگە مۇمكىندىك بولعان. شىندىقتى عانا جاريالاپ وتىرعنا جازۋشى وسىدان كەيىن قىتاي بيلىگىنىڭ نازارىنا ىلىگىپتى.

ونىڭ ايتۋىنشا، قىتايلىق باق-قا ونىڭ ماقالالارىن جاريالاماۋعا بۇيرىق بەرىلگەن. سونىمەن قاتار، قىتاي باسىلىمدار ونىڭ جاڭا تۋىندىلارىن دا جاريالامايتىن بولعان. جازۋشى سوندا دا ءوزىنىڭ شەگىنبەيتىنىن ايتىپ وتىر. ول بۇكىل الەمگە زيان كەلتىرگەن كوروناۆيرۋس تۋرالى جانە ۋحانداعى جاعدايعا قاتىستى شىندىق ايتىلعانى ءجون دەپ بىلەدى.

فان فانعا ون مىڭعا جۋىق قورلايتىن، ءولىم تىلەيتىن حابارلامالار كەلىپ تۇسكەن. الەۋمەتتىك جەلىلەردە ونى باتىسپەن بىرىگىپ قىتاي مەملەكەتىنە شابۋىل جاساۋ ءۇشىن ساتقىندىق جاسايدى دەپ ايىپتادى. قىتاي تۇرعىندارى جازۋشىعا ءتىپتى اقش-تىڭ بارلاۋ اگەنتتىگىنىڭ ءوزى كۇندەلىك جازۋ ءۇشىن اقشا تولەگەن دەپ بولجايدى.

سوڭعى جاڭالىقتار

ۇقساس جاڭالىقتار