ەلباسى • 19 قاڭتار، 2021

ەلباسى بەلگىلى اكتەر الىمعازى رايىمبەكوۆتىڭ وتباسىنا كوڭىل ايتتى

848 رەت كورسەتىلدى

تۇڭعىش پرەزيدەنت - ەلباسى نۇرسۇلتان نازارباەۆ بەلگىلى اكتەر الىمعازى رايىمبەكوۆتىڭ ومىردەن وتۋىنە بايلانىستى تۋىستارىنا كوڭىل ايتۋ جەدەلحاتىن جولدادى. بۇل تۋرالى ەلباسىنىڭ ءباسپاسوز حاتشىسى ايدوس ۇكىباي Twitter پاراقشاسىندا جازدى، دەپ حابارلايدى Egemen.kz.

«ەلباسى بەلگىلى اكتەر الىمعازى رايىمبەكوۆتىڭ ومىردەن وتۋىنە بايلانىستى تۋىستارىنا كوڭىل ايتۋ جەدەلحاتىن جولدادى. ول ۇلتتىق كينومىزدا ۇمىتىلماس بەينەسى مەن وزىندىك ءىزىن قالدىرعان تالانت يەسى بولاتىن. ەلباسى ونىڭ جارقىن بەينەسى جۇرتشىلىق جادىندا ءاردايىم ساقتالادى دەپ سەنىم ءبىلدىردى»، دەپ جازدى ا. ۇكىباي.

ەسكە سالا كەتەيىك، بۇعان دەيىن «تاقيالى پەرىشتە» ءفيلمىنىڭ باس كەيىپكەرى، اتى اڭىزعا اينالعان اكتەر الىمعازى رايىمبەكوۆتىڭ ومىردەن وزعانىن حابارلاعان ەدىك. كەيىنىرەك اكتەردىڭ كوروناۆيرۋستان قايتىس بولعانى بەلگىلى بولدى.

 

سوڭعى جاڭالىقتار

ۇقساس جاڭالىقتار