تاعايىنداۋ • 18 قاڭتار، 2021

ۇلتتىق ەكونوميكا ءمينيسترى تاعايىندالدى

478 رەت كورسەتىلدى

قر ۇلتتىق ەكونوميكا ءمينيسترى تاعايىندالدى. بۇل تۋرالى اقوردا جاريالاعان  قازاقستان رەسپۋبليكاسى ۇكىمەتىنىڭ قۇرامى تۋرالى جارلىقتا «اسەت ارمان ۇلى ەرعاليەۆ – قازاقستان رەسپۋبليكاسىنىڭ ۇلتتىق ەكونوميكا ءمينيسترى» دەلىنگەن، دەپ جازادى Egemen.kz.

بۇعان دەيىن ەرعاليەۆ قر ۇلتتىق ەكونوميكا ءبىرىنشى ۆيتسە-ءمينيسترى بولىپ قىزمەت ەتكەن. ۇلتتىق ەكونوميكا ءمينيسترى قىزمەتىندە وعان دەيىن رۋسلان دالەنوۆ بولعان. ول بۇل قىزمەتكە 2019 جىلدىڭ اقپانىندا تاعايىندالعان ەدى.

اسەت ەرعاليەۆ قازاقستاندىق مەنەدجمەنت، ەكونوميكا جانە بولجامداۋ ينستيتۋتىنىڭ (كيمەپ) مەملەكەتتىك ساياسات ەكونوميكا سالاسىندا باكالاۆر دارەجەسىندە ۇزدىك ءتامامدادى (الماتى، قازاقستان). حالىقارالىق يونكوپينگ بيزنەس مەكتەبىن حالىقارالىق ەكونوميكا سالاسىندا عىلىم باكالاۆرى دارەجەسىمەن (Jönköping University، شۆەتسيا)، يورك ۋنيۆەرسيتەتىن ەكونوميكاداعى عىلىم ماگيسترى دارەجەسىمەن (University of York، ۇلىبريتانيا)، نوتتينگەم ۋنيۆەرسيتەتىن ەكونوميكاداعى فيلوسوفيا ماگيسترى دارەجەسىمەن (The University of Nottingham، ۇلىبريتانيا) اياقتادى.

اسەت ەرعاليەۆ لوندون ەكونوميكا جانە ساياسي عىلىمدار مەكتەبىنىڭ PhD دوكتورى دارەجەسىن يەمدەنگەن (لوندون، ۇلىبريتانيا). ەڭبەك جولىن لوندونداعى ەۋروپالىق دامۋ جانە قايتا قۇرۋ بانكىنىڭ (ەدقب) شىعىس ەۋروپا، كاۆكاز جانە ورتالىق ازيا بويىنشا ەكونوميكا دەپارتامەنتىنىڭ اۋماقتىق ەكونوميستى رەتىندە باستاعان.

2013 جىلعى قاڭتاردان باستاپ 2016 جىلعى ماۋسىم ارالىعىندا «ەكونوميكالىق زەرتتەۋلەر ينستيتۋتى» اق كاسىپكەرلىكتى دامىتۋ ورتالىعىنىڭ ديرەكتورى، باسقارما توراعاسىنىڭ ورىنباسارى، باسقارما توراعاسى لاۋازىمدارىن اتقارعان. 2016 جىلعى جەلتوقساننان باستاپ 2017 جىلعى شىلدە ايىنا دەيىن قازاقستان رەسپۋبليكاسى پرەمەر-ءمينيسترىنىڭ كەڭەسشىسى بولىپ قىزمەت ىستەگەن.

2017 جىلعى تامىزدان باستاپ قازاقستان رەسپۋبليكاسى پرەمەر-ءمينيسترى كەڭسەسىنىڭ جوبالاۋدى باسقارۋ ورتالىعىندا جۇمىس ىستەدى. ۆيتسە-مينيستر قىزمەتىنە تاعايىندالعانعا دەيىن قازاقستان رەسپۋبليكاسى پرەمەر-ءمينيسترى كەڭسەسىنىڭ جوبالاۋدى باسقارۋ ورتالىعىنىڭ مەڭگەرۋشىسى قىزمەتىن اتقاردى.

2019 جىلدىڭ تامىزىندا ول قر ۇلتتىق ەكونوميكا ءبىرىنشى ۆيتسە-ءمينيسترى بولىپ تاعايىندالعان ەدى.

ايتا كەتەيىك، بۇعان دەيىن ۇكىمەتتىڭ جاڭا قۇرامى جاريالانعانىن حابارلاعان بولاتىنبىز. 

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار