ايماقتار • 18 قاڭتار، 2021

الماتىدا ءمودۋلدى گوسپيتال قايتا اشىلادى

12 رەت كورسەتىلدى

تاياۋ كۇندەرى ب. مومىش ۇلى كوشەسى 1\55 (بۇدان ءارى-مودۋل-1) مەكەنجايىندا ورنالاسقان ي. جەكەنوۆا اتىنداعى «قالالىق كلينيكالىق ينفەكتسيالىق اۋرۋحاناسى» مودۋلدىك گوسپيتالى قايتا اشىلادى، دەپ حابارلايدى Egemen.kz.

اۋرۋحانا وتكەن جىلدىڭ جەلتوقسان ايىنىڭ باسىندا باستالعان جالپى سانيتارلىق-دەزينفەكتسيالىق ەمدەۋدەن كەيىن ناۋقاستاردى بيىل 20 قاڭتاردان باستاپ قايتا قابىلداي باستايدى.

ەستەرىڭىزگە سالا كەتەيىك، مودۋل-1 2020 جىلدىڭ ءساۋىر ايىنان باستاپ قاراشا ايىنىڭ سوڭىنا دەيىن پاندەميانىڭ ەڭ ورشىگەن كەزىندە جۇمىس ىستەدى. بارلىعى 3 430 ناۋقاس ەمدەلدى. قازىرگى ۋاقىتتا عيمارات، پالاتالار مەن جابدىقتار تولىق وڭدەلگەن، بارلىق پارامەترلەرگە سايكەس كەلەدى، مودۋلدە جىلۋ، بارلىق جابدىقتار، سونىڭ ىشىندە قارقىندى تەراپيا جانە رەانيماتسيا جۇمىس جاساۋعا ازىرلەنگەن.

ينفەكتسيالىق اۋرۋحانانىڭ مودۋلدىك گوسپيتالى قۋاتتىلىعى 280 توسەك-ورىنعا ارنالعان قۋاتتىلىققا يە. ءارتۇرلى ينفەكتسيالىق اۋرۋلارى بار ناۋقاستاردى سەنىمدى وقشاۋلاۋدى قامتاماسىز ەتەدى. قابىلداۋ-كەڭەس بەرۋ بولىمشەسى كوشەدەن جەكە كىرەتىن ەسىگى بار 6 بوكستان تۇرادى جانە ناۋقاستاردىڭ ايقاسپالى ينفەكتسياسىن بولدىرمايدى. بولىمشەدە كومپيۋتەرلىك توموگرافيا، ۋلترادىبىستىق دياگنوستيكا، بەينەەندوبرونحوسكوپيا، ەلەكتروكارديوگرافيا سىندى دياگنوستيكالىق جانە ەمدەۋ ءىس-شارالارىن جۇرگىزۋ مۇمكىندىگى بار. اۋرۋحانادا 28 توسەك-ورىنعا ارنالعان ءىرى رەانيماتسيالىق ءبولىم جۇمىس ىستەيدى، ول ساراپتامالىق كلاستاعى زاماناۋي مەديتسينالىق جابدىقتارمەن جانە سەنىمدى جەلدەتۋ جۇيەسىمەن جابدىقتالعان. 

الماتىدا مەديتسينالىق ۇيىمداردىڭ ينفەكتسيالىق پالاتالارىندا بارلىعى 7 011 ورىن بار.

سوڭعى جاڭالىقتار

ۇقساس جاڭالىقتار