الەم • 18 قاڭتار، 2021

سيريادا لاڭكەستەردىڭ شابۋىلىنان ەكى سارباز قازا تاپتى

15 رەت كورسەتىلدى

سيريانىڭ وڭتۇستىگىندەگى ەل-كۋنەيترا پروۆينتسياسىندا ەل ارمياسىنىڭ باقىلاۋ-وتكىزۋ بەكەتىنە شابۋىل جاسالدى، دەپ حابارلايدى Egemen.kz

جەرگىلىكتى ال-ۆاتان باسىلىمى حابارلاعانداي، قايعىلى وقيعا ەل-كۋنەيترانىڭ باتىس بولىگىندەگى رۋۆەيحينا اۋىلىندا بولعان.

"مەديتسينالىق اقپارات كوزدەرى ەكى اسكەري ادامنىڭ قايتىس بولعانىن، سونداي-اق قارۋلى تەرروريستىك توپتىڭ رۋۆەيحينا اۋىلىنداعى ارمياعا، ياعني باقىلاۋ-وتكىزۋ پۋنكتىنە جاساعان شابۋىلىنىڭ سالدارىنان تاعى ەكى اسكەري قىزمەتكەردىڭ جاراقات العانىن راستايدى"، دەپ حابارلايدى گازەت ءتىلشىسى.

سيرياداعى قارۋلى قاقتىعىس 2011 جىلدان بەرى جالعاسىپ كەلەدى. وسىعان وراي 2017 جىلدىڭ سوڭىندا سيريا مەن يراك ەلدەرىندە "يسلام مەملەكەتى" تەرروريستىك توبىن جەڭۋ تۋرالى مالىمدەمە جاسالدى.

سودان بەرى تاراپتاردىڭ جەكەلەگەن اۋداندارىندا سودىرلاردى تازارتۋ جۇمىستارى قولعا الىنعانىمەن، بەرتىنگە دەيىن شەشىمىن تاپپاي وتىر. قازىرگى ۋاقىتتا سيريانى قايتا قالپىنا كەلتىرۋ، ەلدەگى ساياسي ساباقتاستىقتى ورنىقتىرۋ، سونىمەن قاتار بوسقىنداردىڭ ورالۋى كۇنتاربىندەگى كۇتتىرمەيتىن ماسەلەلەردىڭ بىرىنە اينالدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار