اتىسقا تارتىلعان بارلىق قۇرىلىمدار 27943 اسكەري ءبولىمىنىڭ جوسپارىنا سايكەس, جاۋىنگەرلىك ماشينالار پاركىنە كەلىپ, شارتتى اۋدانعا مارشتى جۇزەگە اسىرۋ جونىندە وقۋ-جاۋىنگەرلىك تاپسىرما الدى.
جەكە قۇرامنىڭ قيمىلى انىقتالعان سوڭ, كولوننا وقۋ پوليگونىنا جول تارتتى. مارش كەزىندە موتواتقىشتار بولىمشەلەرى تاكتيكالىق دايىندىق بويىنشا نورماتيۆتەردى ورىنداۋدان شەبەرلىكتەرىن شىڭدادى.
وقۋ پوليگونىندا موتواتقىشتار جانە بارلاۋ بولىمشەلەرىنىڭ جاۋىنگەرلىك اتىسىن ساپالى جۇرگىزۋ ماقساتىندا بارلاۋ روتاسىنىڭ كومانديرلەرى ءتۇرلى تاقىرىپتاردا نۇسقاۋلىق-ادىستەمەلىك دارىستەر وتكىزدى.
سونداي-اق, ديۆەرسانتتى-بارلاۋ توپتارى مەن ەسەپتوپتار اۋەدەگى قارسىلاستىڭ شابۋىلدارى كەزىندەگى جانە زالالسىزداندىرىلماعان اۋداندى ءجۇرىپ وتۋدەگى قيمىلداردى دا مەڭگەردى.
جاۋىنگەرلىك اتىستى «شىعىس» وڭىرلىك قولباسشىلىق اسكەرلەرىنىڭ قولباسشىسى, گەنەرال-مايور - اسان ءجۇسىپوۆ قاداعالادى.
