ۇكىمەت • 15 قاڭتار، 2021

ون كۇن ىشىندە ۇكىمەت قۇرامى تانىستىرىلادى

159 رەت كورسەتىلدى

مەملەكەت باسشىسى قاسىم-جومارت توقاەۆ ۇكىمەتتى قر كونستيتۋتسياسىندا كوزدەلگەن تارتىپپەن قۇرادى، دەپ حابارلايدى Egemen.kz

كونستيتۋتسيانىڭ 65-بابىنا سايكەس، رەسپۋبليكا پرەمەر-ءمينيسترى تاعايىندالعاننان كەيىنگى ون كۇن مەرزىم ىشىندە پرەمەر-مينيستر ۇكىمەتتىڭ قۇرىلىمى مەن قۇرامى تۋرالى رەسپۋبليكا پرەزيدەنتىنە ۇسىنىس ەنگىزەدى. سودان كەيىن ۇكىمەت مۇشەلەرى قازاقستان حالقى مەن پرەزيدەنتىنە انت بەرەدى.

ايتا كەتەيىك، بۇگىن پارلامەنت ءماجىلىسىنىڭ جالپى وتىرىسىندا ۇكىمەت باسشىسى لاۋازىمىنا اسقار مامين تاعايىندالدى.

ەلباسى نۇرسۇلتان نازارباەۆ تا وسىعان دەيىن «Nur Otan» پارتياسى فراكتسياسىنىڭ وتىرىسىندا ۇكىمەت باسشىسىنىڭ كانديداتۋراسىنا پىكىر ءبىلدىرىپ، اسقار ءماميننىڭ كانديداتۋراسىن قولداعان ەدى.

پرەزيدەنت قاسىم-جومارت توقاەۆ 7-ءشى شاقىرىلعان پارلامەنتتىڭ 1-ءشى سەسسياسىن اشتى. مەملەكەت باسشىسى قۇرامى جاڭارعان ءماجىلىستىڭ قىزمەتكە كىرىسۋى ەلىمىز ءۇشىن سيمۆولدىق ءمانى بار ەكى وقيعامەن تۇسپا-تۇس كەلەتىنىن اتاپ ءوتتى.

ول – ەل تاۋەلسىزدىگىنىڭ 30 جىلدىق مەرەيتويى مەن قازىرگى زامانعى قازاقستان پارلامەنتاريزمىنىڭ شيرەك عاسىرلىق بەلەسكە جەتكەنى. مەملەكەت باسشىسى وسى تاريحي كەزەڭدە سەنىم مانداتىنا يە بولعان دەپۋتاتتار حالىق ءۇمىتىن اقتاپ، وتانىمىزعا ادال قىزمەت ەتەتىنىنە سەنىم ءبىلدىردى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار