تۋرنير بارىسىندا يتاليالىق سالۆاتورە كارۋزو (الەمنىڭ 76 راكەتكاسى) مەن ماتتەو بەررەتتيني (10 راكەتكا) جانە فرانتسيالىق تريستان لامازين (271 راكەتكا) مەن جەرەمي ءشارديدى (72 راكەتكا) جولىنان ىعىستىرعان جەرلەسىمىز فينالدا اۋستراليانىڭ وكىلى الەكس دە ميناۋرمەن كۇش سىناستى. ول دا وسال ويىنشى ەمەس, قازىرگى كەزدە الەمدىك رەيتينگتە 23 ورىندا تۇر. دەسەك تە, انتالياعا جاقسى دايارلىقپەن كەلگەن بۋبليكتەن قازاقستاندىق جانكۇيەرلەر جەڭىس كۇتتى. وسىعان دەيىن ول اتر دودالارىندا ەكى رەت فينالعا شىققانىمەن, باس جۇلدەگە قول جەتكىزە الماعان ەدى. بىراق سىن ساعاتتا الەكساندردىڭ ەسكى جاراقاتى سىر بەردى. سودان كورتقا شىققانىنا جەتى مينۋت بولماي جاتىپ, جەرلەسىمىز جارىستى اياقتاۋعا ءماجبۇر بولدى.
تۇركياداعى تابىسىنىڭ ارقاسىندا الەكساندر بۋبليك 20 مىڭ ەۋرو تابىس تاۋىپ, الەمدىك رەيتينگتە 49-دان 45-ورىنعا كوتەرىلدى.
