كەشە بەيبىتشىلىك جانە كەلىسىم سارايىندا بۇرىنعى اقمولا قالاسىنىڭ ەلىمىزدىڭ باس قالاسى – استانا مارتەبەسىنە يە بولۋىنا 16 جىل تولۋىنا بايلانىستى سالتاناتتى كونتسەرت ءوتتى. قازاقستان پرەزيدەنتى نۇرسۇلتان نازارباەۆتىڭ 1997 جىلدىڭ 20 قازانداعى جارلىعىمەن بۇرىنعى اقمولا قالاسى 1997 جىلدىڭ 10 جەلتوقسانىنان باستاپ قازاقستاننىڭ استاناسى مارتەبەسىن يەلەنگەنى بەلگىلى.
كەشە بەيبىتشىلىك جانە كەلىسىم سارايىندا بۇرىنعى اقمولا قالاسىنىڭ ەلىمىزدىڭ باس قالاسى – استانا مارتەبەسىنە يە بولۋىنا 16 جىل تولۋىنا بايلانىستى سالتاناتتى كونتسەرت ءوتتى. قازاقستان پرەزيدەنتى نۇرسۇلتان نازارباەۆتىڭ 1997 جىلدىڭ 20 قازانداعى جارلىعىمەن بۇرىنعى اقمولا قالاسى 1997 جىلدىڭ 10 جەلتوقسانىنان باستاپ قازاقستاننىڭ استاناسى مارتەبەسىن يەلەنگەنى بەلگىلى.
كونتسەرتتىك باعدارلاماعا استانا قالاسىنىڭ اكىمى يمانعالي تاسماعامبەتوۆ, پارلامەنت دەپۋتاتتارى, مەملەكەتتىك ورگانداردىڭ باسشىلارى, بەلگىلى قوعام قايراتكەرلەرى مەن زيالى قاۋىم وكىلدەرى قاتىستى.
كونتسەرتتىڭ بەتاشارىندا كورەرمەندەرگە استانانىڭ ەلوردا مارتەبەسىن الۋ كۇنىن مەرەكەلەۋگە ارنالعان دەرەكتى فيلم كورسەتىلدى. كەشتە «استانا وپەرا» مەملەكەتتىك وپەرا جانە بالەت تەاترىنىڭ ارتىستەرى كازاق جانە يتاليا اريالارىنان قۇرالعان وپەرالىق پوپۋرريلەر شىرقادى.
بەيبىتشىلىك جانە كەلىسىم سارايى ساحناسىندا «مۋزارت» توبى مەن «سارىن» دۋەتى جانە ءانشى ەركەن كەنەباەۆ ونەر كورسەتتى. ال جاس تالانتتار, «ايالاعان استانا» اتتى ۆوكالدىق بايقاۋدىڭ ءجۇلدەگەرلەرى روزا سامەتوۆا مەن ەركەش حاسەن ««Viva per lei» انىمەن جۇرتشىلىقتىڭ جۇرەگىنە جول تاپتى.
كونتسەرتتىك باعدارلامانىڭ سوڭىندا ارتىستەر «استانانى ءبىرگە سالامىز» ءانىن شىرقاتا سالدى. بۇل ءاندى وسى زالعا جينالىپ وتىرعان «استانا تاڭداۋى» بايقاۋىنا قاتىسقان الەۋمەتتىك سالا قىزمەتكەرلەرى دە قوسىلا شىرقادى. ولار جوعارى ءبىلىكتىلىگىمەن, ەسەلى ەڭبەگىمەن ەلوردانىڭ گۇلدەنۋىنە ۇلەس قوسىپ ءجۇر. بيىل كونكۋرس «پەداگوگ», «ۋچاسكەلىك ينسپەكتور», «ءدارىگەر», «جولشى», «قۇرىلىسشى», «ەنەرگەتيك» اتالىمدارى بويىنشا وتكىزىلگەن بولاتىن. بايقاۋدىڭ ەرەكشەلىگى سول, جەڭىمپازداردى تۇرعىنداردىڭ وزدەرى استانا اكىمدىگىنىڭ www.astana.kz. سايتى ارقىلى ونلاين-داۋىس بەرۋ ارقىلى تاڭدادى.
«ەگەمەن-اقپارات».
