مەملەكەت باسشىسى نۇرسۇلتان نازارباەۆ پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ءا.يسەكەشەۆ مينيسترلىكتىڭ قازىرگى قىزمەتى مەن مەملەكەت باسشىسىنىڭ تاپسىرماسى بويىنشا كاسىپكەرلەردىڭ ۇلتتىق پالاتاسىمەن ءبىرلەسىپ ازىرلەنگەن يندۋستريالىق-يننوۆاتسيالىق دامۋ باعدارلاماسىنىڭ كەلەسى بەسجىلدىق جوسپارىنىڭ تۇجىرىمداماسى تۋرالى باياندادى.
نۇرسۇلتان نازارباەۆ 2014 جىلدىڭ سوڭىندا باعدارلامانىڭ العاشقى بەسجىلدىعى اياقتالىپ, العا قويىلعان بارلىق مىندەتتەر ورىندالاتىنىن ايتتى. مەملەكەت باسشىسى ەكىنشى بەسجىلدىق جوسپار اياسىندا يننوۆاتسياعا جانە مۇلدە جاڭا ءتاسىلدەرگە ەرەكشە كوڭىل اۋدارىلاتىنىن اتاپ ءوتتى.
پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى تۇجىرىمدامانى ازىرلەۋ بارىسىندا بارلىق وڭىرلەر مەن سالالار بويىنشا كەشەندى زەرتتەۋلەر جۇرگىزىلگەنى تۋرالى حابارلادى. تالداۋ قورىتىندىسى بويىنشا الەۋمەتتىك-ەكونوميكالىق ساياساتتاعى وزگەرىستەردى قوسقاندا, باعدارلامانى تابىستى ىسكە اسىرۋ ءۇشىن قىزمەتتىڭ نەگىزگى باعىتتارى انىقتالدى. سونداي-اق, مەملەكەتتىك قولداۋ شارالارى مەن باسىمدىعى بار سەكتورلار توبى بەلگىلەنگەن.
سۋرەتتى تۇسىرگەندەر
س.بوندارەنكو, ب.وتارباەۆ.
