مەملەكەت باسشىسىنىڭ اتىنا قازاقستان نەمىستەرى قوعامداستىعى اقساقالدار كەڭەسى وكىلدەرىنەن حات كەلدى.
مەملەكەت باسشىسىنىڭ اتىنا قازاقستان نەمىستەرى قوعامداستىعى اقساقالدار كەڭەسى وكىلدەرىنەن حات كەلدى.
مەملەكەت باسشىسىنىڭ اتىنا جازعان ءوز حاتىندا ۆ.مۋتانيول, ا.گراف, گ.گروت, ۆ.ۆيدلەر گەرمانيادا تۇراتىن 800 مىڭ قازاقستاندىق نەمىستەر اتىنان نۇرسۇلتان نازارباەۆقا قازاقستاندىق نەمىستەردىڭ تاريحي وتانىمەن قايتا قاۋىشۋ ۇدەرىستەرىنە ەرەكشە كوڭىل بولگەنى ءۇشىن زور العىس بىلدىرگەن.
«بۇل كۇللى الەمگە حالىقتار اراسىنداعى سەنىمنىڭ جاڭا ساياساتى تۋرالى ءمالىم ەتكەن باتىل ادامنىڭ جانە كورەگەن ليدەردىڭ قادامى بولدى. بۇل – تاريحي ادىلەتتىلىكتى قالپىنا كەلتىرۋدىڭ ءسىزدىڭ قولىڭىزبەن جاسالعان شىن مانىندەگى اسا ماڭىزدى اكتىسى, ونى نەمىس حالقى ەشقاشان ۇمىتپايدى», دەپ جازادى حات يەلەرى.
اقساقالدار كەڭەسىنىڭ وكىلدەرى وسىنداي قولداۋدىڭ ارقاسىندا بۇگىندە گەرمانياداعى ءجۇز مىڭداعان قازاقستاندىق نەمىستەر قازاقستاننىڭ ەۋروپاداعى دوستىق ەلشىلەرى ءرولىن اتقارىپ وتىرعاندىعىن اتاپ وتكەن. حات يەلەرى شەكارا سىرتىندا تۇرىپ جاتسا دا, وزدەرى ءۇشىن تۋعان ولكەسىندەي بولىپ كەتكەن ەلدەگى تابىستار مەن جەتىستىكتەرگە زەر سالا قاداعالاپ وتىراتىندىقتارىن جەتكىزگەن.
«ەكونوميكا دامىپ, حالىقتىڭ ءوسىپ-وركەندەۋى مەن ەل بەدەلىنىڭ نىعايۋى جولىندا جاڭا زور ماقساتتار قويىلىپ وتىرعانىنا قۋانىشتىمىز. بۇل رەتتە رەسپۋبليكا بەيبىتشىلىك پەن قاۋىپسىزدىك ساياساتىن جۇرگىزۋدە بۇرىنعىسىنشا جەتەكشى ءرول اتقارا بەرەدى. قازاقستان مادەنيەتارالىق كەلىسىم مەن تاعاتتىلىقتى قامتاماسىز ەتۋدە, مۋلتيمادەنيەت الەمىنىڭ سىن-قاتەرلەرىن ەڭسەرۋدە ەلەۋلى تابىستارعا قول جەتكىزدى», دەلىنگەن حاتتا.
حات سوڭىندا اقساقالدار كەڭەسىنىڭ وكىلدەرى قازاقستان حالقىنا يگىلىك پەن باق-بەرەكە, سونداي-اق, نۇرسۇلتان نازارباەۆقا زور دەنساۋلىق جانە سارقىلماس كۇش-قۋات تىلەگەن.
