زاڭ جوباسى جىلجىمايتىن م ۇلىككە قۇقىقتاردى تىركەۋ مەرزىمىن بۇزعانى ءۇشىن اكىمشىلىك جاۋاپكەرشىلىكتى الىپ تاستاۋعا, قۇجاتتاردى رەسىمدەۋ جانە جىلجىمايتىن م ۇلىككە قۇقىقتاردى مەملەكەتتىك تىركەۋ راسىمدەرىن وڭايلاتۋعا مۇمكىندىك بەرەدى. «اقپارات قۇقىقتىق كاداستردان ەلەكتروندى ۇكىمەت ۆەب-پورتالى ارقىلى بەرىلەتىن بولادى. بۇل قۇقىقتاردى ەلەكتروندى تىركەۋ كەزىندە ۆەدومستۆوارالىق ۇيلەستىرۋدى ارتتىرۋعا, سونداي-اق مالىمەتتەردى قۇقىقتىق كاداستردان ۋاكىلەتتى ورگاندار مەن تۇلعالارعا بەرۋگە مۇمكىندىك بەرەدى», دەدى كوميتەت حاتشىسى قاناتبەك سافينوۆ.
سونداي-اق زاڭنامالىق دەڭگەيدە ەنگىزىلگەن تۇزەتۋلەرمەن جەرگىلىكتى اتقارۋشى ورگاندارعا جىلجىمايتىن م ۇلىك وبەكتىسىن بۇزۋ تۋرالى قۇجاتتى بەرۋ جونىندەگى فۋنكتسيالاردى بەكىتۋ جانە شارۋاشىلىق سەرىكتەستىكتەرىنە قاتىسۋشىلار قۇرامىنىڭ وزگەرۋىنە بايلانىستى ونى قايتا تىركەۋ ءتارتىبىن ايقىنداۋ جوسپارلانىپ وتىر. «زاڭ جوباسى سوت ورىنداۋشىلارىنىڭ قۇقىق بەلگىلەيتىن قۇجاتتاردىڭ كوشىرمەلەرىن الۋ قۇقىعىن بەكىتۋ ناتيجەسىندە سوت اكتىلەرىنىڭ ۋاقتىلى ورىندالۋىن قامتاماسىز ەتۋگە ىقپال ەتەدى», دەدى سەناتور نۇرلان بەكنازاروۆ.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە جىلجىمايتىن م ۇلىككە قۇقىقتاردى جانە زاڭدى تۇلعالاردى مەملەكەتتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا پارلامەنت سەناتى مەن ءماجىلىسى دەپۋتاتتارى باستاماشى بولعان ەدى, دەپ حابارلادى سەناتتىڭ ءباسپاسوز قىزمەتى.
