پرەزيدەنتتىك رەزەرۆ – بۇل قارۋلى كۇشتەردىڭ جوعارى قولباسشىلىعىنا ۇسىنىلاتىن وفيتسەرلەردىڭ ءتىزىمى. جەلتوقسان ايىندا قاۋىپسىزدىك كەڭەسىنىڭ حاتشىسى بىلىكتىلىك سىناقتارىنان ءساتتى وتكەن 155 وفيتسەر مەن 25 گەنەرالدىڭ ءتىزىمىن بەكىتتى.
رەزەرۆ مەملەكەتتىك باسقارۋ جۇيەسىن جاقسارتۋ ءۇشىن قۇرىلعان. ىرىكتەۋدىڭ جاڭا جۇيەسى جوعارى لاۋازىمدارعا ۇسىنۋ ءۇشىن ەڭ لايىقتى ۇمىتكەرلەردى انىقتاۋعا مۇمكىندىك بەرەدى. مۇنداي تاجىريبە رەسەيدە, اقش-تا, جاپونيادا جانە باسقا ەلدەردە ءساتتى قولدانىلادى.
وعان قورعانىس ءمينيسترىنىڭ قىزمەتتەگى ورىنباسارلارى, باس شتاب باستىعىنىڭ ورىنباسارلارى, اسكەر تۇرلەرى مەن تەكتەرىنىڭ, وڭىرلىك قولباسشىلىقتار اسكەرلەرىنىڭ باس قولباسشىلارى جانە ولاردىڭ ورىنباسارلارى, ورتالىق اپپاراتتىڭ قۇرىلىمدىق بولىمشەلەرىنىڭ باستىقتارى, اسكەري وقۋ ورىندارىنىڭ باستىقتارى, اسكەري بولىمدەردىڭ كومانديرلەرى, ۇلتتىق قورعانىس ۋنيۆەرسيتەتىنىڭ ماگيسترانتتارى جانە باسقا دا پەرسپەكتيۆالى باسشىلار كىردى.
پرەزيدەنتتىك رەزەرۆكە قابىلدانۋ ءۇشىن ۇمىتكەرلەر اقپاننان مامىرعا دەيىن كوپ دەڭگەيلى ىرىكتەۋدەن ءوتتى. قورعانىس مينيسترلىگىنىڭ جوعارى اتتەستاتتاۋ كوميسسياسى ارنايى تەكسەرۋ جۇرگىزىپ, ولاردىڭ قىزمەتتىك جۇمىسىنىڭ ناتيجەلەرىن, جەتكەن جەتىستىكتەرىن, جەكە جانە كاسىبي قاسيەتتەرىن زەردەلەيدى. وسىدان كەيىن عانا تۇپكىلىكتى شەشىم قابىلداندى.
ۇمىتكەر وندا ءۇش جىلدان ارتىق بولماۋى ءتيىس. مەرزىم اياقتالعاننان كەيىن جوعارى اتتەستاتتاۋ كوميسسياسى ونى الىپ تاستاۋ نەمەسە ونىڭ قاتىسۋىن ۇزارتۋ تۋرالى شەشىم قابىلدايتىن بولادى.
