سپورت • 13 قاڭتار، 2021

الەكساندر بۋبليك فينالعا شىقتى

19 رەت كورسەتىلدى

الەمدىك رەيتينگتە 49 ورىندا تۇرعان قازاقستاندىق تەننيسشى الەكساندر بۋبليك تۇركيانىڭ انتاليا قالاسىندا ءوتىپ جاتقان اتر ءتۋرنيرىنىڭ فينالىنا جولداما الدى، دەپ حابارلايدى Egemen.kz.

جارتىلاي فينالدىق سايىستا جەرلەسىمىز الەمنىڭ 72 راكەتكاسى 33 جاستاعى فرانتسيانىڭ وكىلى جەرەمي شارديمەن كۇش سىناستى. 2 ساعات 5 مينۋتقا سوزىلعان بۇل باسەكەدە الەكساندردىڭ اسىعى الشىسىنان ءتۇستى. ەسەپ – 6:4، 6:7، 6:3. ونىڭ الدىندا ول ءۇش بىردەي يتاليالىق تەننيسشى – سالۆاتورە كارۋزو، تريستانا لامازينا جانە ماتتەو بەررەتتينيدەن باسىم تۇسكەن ەدى. ەندى بۋبليك اقتىق سىندا اۋستراليالىق الەكس دە ميناۋرمەن شەبەرلىك بايقاسادى. جاسىل قۇرلىقتىڭ وكىلى بۇل كۇندەرى اتر رەيتينگىندە 23 ورىندى يەلەنۋدە.

ەستەرىڭىزگە سالا كەتەيىك، وسىنىڭ الدىندا عانا ءابۋ-دابيدە وتكەن WTA تۋرنيرىندە قازاقستاننىڭ قوس تەننيسشىسى – ەلەنا رىباكينا مەن يۋليا پۋتينتسەۆا ونەر كورسەتكەن ەدى. يۋليا ءۇشىنشى اينالىمدا امەريكالىق سوفيا كەنينگە ەسە جىبەرسە، ەلەنا شيرەك فينالدا بەلارۋسسيالىق ەلەنا سوبولەنكودان ۇتىلدى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار