وسى تۇرعىدان العاندا, بۇگىنگى تاڭدا ەلىمىز تاۋەلسىزدىگىمەن قۇرداس, جاڭا زاماننىڭ جاس ازاماتتارى الدىمەن ەلىن, اتامەكەنىن ءسۇيىپ وسكەن, زامان تالابىنا ساي ءبىلىمدى, بىلىكتى, ەلىمىزدىڭ پاتريوتتارى بولۋى ءتيىس. قازىرگى تاڭدا ءبىلىم مەن عىلىمعا ەرەكشە كوڭىل بولىنە باستادى. مەملەكەت تاراپىنان بۇل سالاعا قوماقتى قارجى ءبولىنىپ, «قايتا جاڭعىرعان, جاسارعان قازاق مەملەكەتتىلىگىنىڭ, ازاتتىعىمىزدىڭ تۇعىرى نىعايا تۇسكەنىن ايگىلەيتىن ماڭىزدى بەلەس» الدىمىزدا تۇر.
ارينە, ەلىمىز ەگەمەندىگىن جاريالانعان كەزەڭنەن بەرى ءجۇرىپ وتكەن بەلەسىمىز بەدەرلى. العاشقى جىلدارداعى قيىندىعى مەن داعدارىسى, وتپەلى كەزەڭنىڭ قۋانىشى مەن جۇزەگە اسقان اسۋلارى از ەمەس. وسى جىلدار ارالىعىندا قازاقستان دەگەن جاس مەملەكەتتى الەم تانىپ ءبىلدى. ازاتتىعىمىزدىڭ ايشىقتى اسۋلارىندا ءجۇرىپ وتكەن جولدارىمىز ارقىلى ەلىمىزدى بىلىكتى باسشىلارىمىز دۇنيەگە تانىتىپ, بەيبىت سۇيگىش, ساليقالى, سىندارلى ەل ەكەنىمىزدى مويىنداتا ءبىلدى.
ەندىگى مەجە – قازاقستان ىنتىماعى جاراسقان, ەڭبەكسۇيگىش, ءبىلىم مەن عىلىمعا قۇلاش سەرمەگەن, بولاشاققا باتىل قادام جاساعان مەملەكەت رەتىندە العا باسىپ, بيىك بەلەستەرگە قول جەتكىزۋ. ۇدايى دامۋ, جاسامپازدىق جولىمەن ىلگەرى جىلجۋ ارقىلى ەلىمىزدى وركەندەۋ جولىندا كورسەتە ءبىلۋ. قۋاتتى ەلدىڭ, تۇراقتى مەملەكەتتىڭ ۇلگىسىنە اينالۋ.
ارداگەرلەرىمىز كەيىنگى بۋىنعا ۇلگى كورسەتىپ, جاستارىمىز زامان تالابىنا ساي وركەندەگەن, بىلىمگە قۇشتار ەلدىڭ وسكەلەڭ ۇرپاعىنا اينالۋعا ۇمتىلۋى ءتيىس. وسى تالپىنىس ءبىزدىڭ «فيلوسوفيا, ساياساتتانۋ جانە ءدىنتانۋ ينستيتۋتىنىڭ» جاس عالىمدارى بويىنان تابىلادى. بۇگىنگى تاڭدا ۇجىمدا بىلىكتى دە ءبىلىمدى جاستار بارشىلىق. ولار ءۇش ءتىلدى مەڭگەرگەن, زامانۋي تالاپقا ساي مىندەتتەردى بويىنا سىڭىرگەن, ىزدەنىمپاز عالىمدار دەپ ايتۋعا نەگىز بار.
مەملەكەت باسشىسى قاسىم-جومارت كەمەل ۇلىنىڭ قازاقستان تاۋەلسىزدىگىنىڭ وتىز جىلدىق بەلەسىنە قادام باسقان جىل باسىنداعى ەل الدىنداعى ايشىقتى مىندەتتەردى قاداپ كورسەتكەن تۇعىرنامالىق ماقالاسى بارشا جۇرتشىلىققا باعىت بولار ايتۋلى تۇجىرىم. ەندىگى جەردە ءبىز سونى باسشىلىققا الىپ, ىنتىماعى جاراسقان ەل رەتىندە تاۋەلسىزدىگىمىزدىڭ قادىرىن ارتتىرا بەرۋگە ءتيىسپىز.
ساياسات بەيىسباي,
فيلوسوفيا, ساياساتتانۋ جانە ءدىنتانۋ ينستيتۋتىنىڭ ءبولىم جەتەكشىسى
