قازاق جانكۇيەرلەرى ءۇشىن ەڭ قۋانىشتى جايت ءوز قانداسىمىزدىڭ ۇزدىكتەر قاتارىنان كورىنۋى. ونداي قۇرمەتكە شاۆقات راحمونوۆ بولەنىپ وتىر. UFC-دەگى ءوزىنىڭ تۇساۋكەسەر كەزدەسۋىن ول بىلتىرعى جىلدىڭ قازان ايىندا عانا وتكىزدى. سوعان قاراماستان مايتالمان ماماندار تاراپىنان 26 جاستاعى راحمونوۆتىڭ ونەرى باس بارماقپەن باعالاندى. بىرىككەن اراب امىرلىكتەرىنىڭ ءابۋ دابي قالاسىندا وتكەن ايتۋلى جارىستا شاۆقات تاجىريبەسى ابدەن تولىسقان ساقا سپورتشى, برازيليالىق الەكس وليۆەيرانى ءبىرىنشى راۋىندا-اق قىلقىندىرىپ تاستاعانى ەستەرىڭىزدە بولار. مىنە, ءوزىنىڭ وسى اسقان شەبەرلىكپەن ورىندالعان كەرەمەت ءادىسىنىڭ ارقاسىندا ول «ەڭ ۇزدىك سامبيشن» اتالىمى بويىنشا ەكىنشى ورىندى يەلەندى.
ال بۇل تارتىستا قازاقتىڭ قايسار ۇلىنىڭ الدىن تەك داڭقتى حابيب نۇرماگومەدوۆ قانا وراي الدى. داعىستاندىق جەكپە-جەك شەبەرىنىڭ امەريكالىق دجاستين گەتجيگە قارسى قولدانعان ء«ۇشبۇرىش» ءتاسىلى تەڭدەسسىز دەپ تانىلدى.
