وسى ورايدا ازاماتتاردى مەديتسينالىق ساقتاندىرۋدى قالاي جانە قاي جەردەن تەكسەرەمىز دەگەن ساۋالدىڭ ءجيى مازالايتىنى بەلگىلى. ءوزىڭىزدىڭ ساقتاندىرىلعانىڭىز تۋرالى اقپاراتتى الەۋمەتتىك مەديتسينالىق ساقتاندىرۋ قورىنان (fms.kz), egov.kz ەلەكتروندى ۇكىمەت پورتالىنان (جەكە كابينەتتەگى «دەنساۋلىق ساقتاۋ» بولىمىنەن), تەلەگرامداعى Saqtandyru-bot كانالىنان, Qoldau 24/7 ءموبيلدى قوسىمشاسىنان بىلۋگە بولادى.
ەگەر ەل ازاماتى ءالى ساقتاندىرىلماعان بولسا, وندا كەلەسى كاتەگوريالار ارقىلى اي سايىنعى تولەم مولشەرىن انىقتاۋى ءتيىس: 15 جەڭىلدەتىلگەن كاتەگورياعا جاتاتىن ازاماتتار ءۇشىن مەملەكەتتىڭ ءوزى تولەپ بەرەدى. جالدامالى جۇمىسشىنىڭ تولەمىن جۇمىس بەرۋشىنىڭ بۋحگالتەرياسى جارنالاردى ەسەپتەۋ نىسانىنىڭ 2 پايىزى جانە جالاقى قورىنىڭ 2 پايىزى مولشەرىندە جۇرگىزەدى. ال جك, شارۋا قوجالىعى يەلەرى, جەكە پراكتيكامەن اينالىساتىن تۇلعالار 1,4 تومەنگى جالاقىنىڭ 5 پايىزى مولشەرىندە تولەۋى ءتيىس (تومەنگى جالاقى بيىل دا 42 500 تەڭگە كولەمىندە ساقتالدى, سول سەبەپتى اي سايىنعى تولەم مولشەرى – 2 975 تەڭگە).
رەسپۋبليكالىق جانە وبلىستىق ماڭىزى بار قالالارداعى ءوزىن ءوزى جۇمىسپەن قامتۋشىلار مەن بىرىڭعاي جيىنتىق تولەم تولەۋشىلەر دە 2021 جىلدىڭ 1 قاڭتارىنان باستاپ 2 917 تەڭگە (1 اەك) تولەيدى. ال وزگە اۋىلدىق جەردەگى ءوزىن ءوزى جۇمىسپەن قامتۋشىلار مەن بىرىڭعاي جيىنتىق تولەم تولەۋشىلەر اي سايىن 1 458,5 تەڭگەنىڭ تولەمىن جۇرگىزۋگە مىندەتتى. بۇل ورايدا ءوز ەركىمەن تولەم جۇرگىزۋشى ازامات 1 تومەنگى جالاقىنىڭ 5 پايىزىن (2125 تەڭگە) ءمامس قورىنا اۋدارىپ وتىرۋى ءتيىس. ال ازاماتتىق قۇقىقتىق نەگىزدەگى كەلىسىمشارت بويىنشا جۇمىس ىستەيتىن جەكە تۇلعالار ءوز تابىسىنىڭ 2 پايىزىن اۋدارادى. بۇل رەتتە ماكسيمالدى تولەم – 8500 تەڭگە (10 تومەنگى جالاقىنىڭ 2 پايىزى, 425 000 ح 2 پايىز = 8500).
تولەمدى وزىڭىزگە ىڭعايلى جەردە – ەكىنشى دەڭگەيلى بانكتەردە جانە ولاردىڭ ينتەرنەت قوسىمشالارىندا, Kaspi.kz ءموبيلدى قوسىمشاسىندا, «قازپوشتا» بولىمشەلەرىندە, تولەم تەرمينالدارىندا جانە مەديتسينالىق ۇيىمداردىڭ تەرمينالدارىندا جۇزەگە اسىرۋعا بولادى.
الماتى
