حوش دەلىك. كۇرشىم اۋدانىندا بۇقارالىق سپورت ءاۋ باستان جاقسى جولعا قويىلعان. مۇنىڭ سەبەبىن, اۋدان اكىمى دۋلات زايسانبەك ۇلىنىڭ بالا كەزىنەن سپورتپەن شۇعىلدانىپ, فۋتبول, جەڭىل اتلەتيكامەن شۇعىلدانۋىنان دەپ بىلگەن ءجون شىعار. اۋدان سپورتىن ۇزاق جىل باسقارعان زايسانبەك قاجانوۆ ونى بالا كەزىنەن سپورتقا باۋلىدى, جاتتىقتىردى. زاكەڭ فۋتبولدان اۋدان قۇراماسىن جاتتىقتىرىپ, باسقارعاندا زايساندىقتار قاتارىنان بەس جىل بويى وبلىستا چەمپيوندىق اتاقتى ەشكىمگە بەرمەدى. «زايسان فۋتبولى» دەگەن كىتابىندا وڭىردەگى وسى سپورت ءتۇرىنىڭ تاريحى جايلى كەڭىنەن ايتادى.
قازىر مۇندا پرەزيدەنت جولداۋىندا ايتىلعان بۇقارالىق سپورتپەن 8 مىڭعا تارتا ادام شۇعىلدانادى. سپورتپەن شۇعىلدانۋشىلار سانى 31,8 پايىزدى قۇرايدى. اۋدان بويىنشا 199 سپورت عيماراتى, 35 سپورت زالى, 12 شايبالى حوككەي قوراپشاسى, بىرنەشە ستاديون, سپورت كەشەندەرى جۇمىس ىستەپ تۇر. ەندى مىنە, جابىق ءجۇزۋ باسسەينى ەل يگىلىگىنە بەرىلدى.
كۇرشىمدىكتەر قۋانىش قۇشاعىندا. اۋدان اكىمى د.قاجانوۆ, اۋداندىق ارداگەرلەر كەڭەسىنىڭ توراعاسى ە.اقتەكەنوۆ, سپورت سالاسىنىڭ زەينەتكەرى ن.بوبىلەۆا, اۋداندىق اقساقالدار القاسىنىڭ توراعاسى ن.قايىروۆ قۇتتىقتاۋ ءسوز سويلەپ, سالتاناتتى تۇردە جاڭا نىساننىڭ لەنتاسىن كەستى. «اۋىل – ەل بەسىگى» باعدارلاماسى اياسىندا سالىنعان 5 ءجۇزۋ جولاقتى ءجۇزۋ باسسەين عيماراتىندا ساۋنا, تاماق ىشەتىن بولمە (بۋفەت), جاتتىعۋ زالى بار. اتالعان نىسان ءجۇزۋ سپورتىن دامىتىپ, حالىق يگىلىگىنە اينالار دەگەن ويدامىز.
وڭداسىن ەلۋباي,
ارداگەر جۋرناليست
شىعىس قازاقستان وبلىسى,
كۇرشىم اۋدانى
