ينفوگرافيكانى جاساعان امانگەلدى قياس, «ەQ»
جاڭارتىلعان باعالاۋلارعا سايكەس, 2020 جىلى الەمدىك ەكونوميكانىڭ كولەمى 4,3%-عا قىسقاردى. بۇعان دەيىن بانكتىڭ 2020 جىلعى ماۋسىمداعى ەسەبىندە 2020 جىلى الەمدىك ەكونوميكانىڭ 5,2% دەڭگەيىندە قىسقارۋى بولجانعان بولاتىن.
2020 جىلى الەمدىك ەكونوميكانىڭ ديناميكاسىن باعالاۋدى جاقسارتۋدىڭ نەگىزگى فاكتورى جەكەلەگەن دامىعان جانە دامۋشى ەلدەردە تومەنگى قۇلدىراۋ جانە قحر-دا بەلسەندى قالپىنا كەلتىرۋ بولدى.
دۇنيەجۇزىلىك بانكتىڭ باعالاۋىنا ساي 2020 جىلى ءوسۋ باعاسىن كوتەرگەن ەلدەردىڭ ءبىرى قازاقستان بولدى. ياعني دۇنيەجۇزىلىك بانكتىڭ جاڭارتىلعان ەسەبىنە سايكەس, 2020 جىلدىڭ ناتيجەلەرى بويىنشا ۇلتتىق ەكونوميكانىڭ ءوسۋى 2,5% قۇرادى, 2020 جىلعى ماۋسىمداعى ەسەپتە 3% دەپ بولجانعان ەدى.
ۇكىمەتتىڭ ەكونوميكانىڭ ناقتى سەكتورىنىڭ تۇراقتىلىعىن قامتاماسىز ەتۋ جانە ازاماتتاردىڭ ءال-اۋقاتىن قولداۋ جونىندەگى ءتيىمدى شارالارى ۇلتتىق ەكونوميكانىڭ ءوسۋىن باعالاۋدى جاقسارتۋدىڭ نەگىزگى فاكتورىنا اينالدى.
دۇنيەجۇزىلىك بانك بيزنەسكە قاجەتتى كومەكتى ورىستەتۋ, ونىڭ ىشىندە سۋبسيديالانعان قارجىلاندىرۋ جانە سالىق جەڭىلدىكتەرى تەتىكتەرى ارقىلى حالىقتىڭ زارداپ شەككەن توپتارىنا تىكەلەي ترانسفەرتتەر بەرۋ, سونداي-اق مەديتسينالىق ينفراقۇرىلىمنىڭ قولجەتىمدىلىگىن ارتتىرۋ بويىنشا ۇكىمەت شارالارىنىڭ تيىمدىلىگىن اتاپ ءوتتى. سالىستىرۋ ءۇشىن, ەكونوميكا ءوسىمىن باعالاۋ 2020 جىلى ماجارستان (5%-دان 5,9%-عا دەيىن), ارگەنتينا (7,3%-دان 10,6%-عا دەيىن), مەكسيكا (7,5%-دان 9%-عا دەيىن), ۋكراينا (3,5%-دان 5,5%-عا دەيىن), قىرعىزستان (4%-دان 8%-عا دەيىن), گرۋزيا (4,8%-دان 6%-عا دەيىن), ازەربايجان (2,6%-دان 5%-عا دەيىن), ارمەنيا (2,8%-دان 8%-عا), يندونەزيا (0%-دان 2,2%-عا دەيىن), تايلاند (5%-دان 6,5%-عا دەيىن) ءتارىزدى ەلدەر بويىنشا تومەندەتىلدى.
بۇدان باسقا, Global Economic Prospects جاڭارتىلعان ەسەبىندە دۇنيەجۇزىلىك بانك 2020 جىلعى ماۋسىمداعى ەسەپتە 4,2% باعالاۋمەن سالىستىرعاندا 2021 جىلى الەمدىك ەكونوميكانىڭ ءوسۋ بولجامىن 4%-عا دەيىن تومەندەتۋ جاعىنا قايتا قاراستىردى.
2021 جىلى 4% دەڭگەيىندە ءوسۋ كۇتىلۋدە, بۇل COVID-19 ۆاكتسينالارىنىڭ قولدانىلا باستاۋى الداعى بارلىق كەزەڭ بويى كەڭ كولەمدە جالعاسقان جاعدايدا مۇمكىن, دەپ حابارلادى ۇكىمەتتىڭ ءباسپاسوز قىزمەتى.
