تاراپتار اراسىندا وتكەن كەڭەستەردەن كەيىن حالىقارالىق ساراپشىلار توبى 14 قاڭتاردا قىتايعا بارىپ, وندا «قىتايلىق عالىمدارمەن بىرگە كوروناۆيرۋستىڭ جاڭا ۇلگىسىنىڭ شىعۋىن انىقتاۋ بويىنشا بىرلەسكەن زەرتتەۋ جۇمىستارىن جۇرگىزەدى.
وتكەن تاۋلىكتە قىتايدىڭ ماتەريكتىك بولىگىندە كوروناۆيرۋس جۇقتىرۋدىڭ جاڭادان 103 وقيعاسى تىركەلدى, سونىڭ ىشىندە 85 ادام شەتەلگە شىقپاعان جەرگىلىكتى تۇرعىندار.
بۇل رەتتە جەرگىلىكتى وقيعالاردىڭ كوبى حەبەي پروۆينتسياسىنىڭ لوكداۋن ەنگىزىلگەن ەكى ءىرى قالاسىندا – شيتسزياچجۋان مەن سينتايدا (82) انىقتالعان. سوڭعى رەسمي مالىمەتتەرگە سايكەس, قحر-دىڭ ماتەريكتىك بولىگىندە كوروناۆيرۋس جۇقتىرعانداردىڭ 93,93 پايىزى ەمدەلىپ شىقتى. 2019 جىلدىڭ جەلتوقسان ايىنان بەرى اۋرۋ جۇقتىرعانداردىڭ سانى 87,5 مىڭ ادامنان استى.
