قىزىلوردا وبلىسىنىڭ وكىلى جايىندا ءبىز العاش رەت وتكەن جىلدىڭ اقپان ايىندا تاشكەنتتە جالاۋى جەلبىرگەن جاستار اراسىنداعى ازيا بىرىنشىلىگىندە ەستىگەن ەدىك. وزبەكستاننىڭ باس شاھارىندا 102 كيلو سالماق دارەجەسىندە ونەر كورسەتكەن 16 جاسار راحات بەكبولات باس جۇلدەنى ولجالاۋمەن شەكتەلىپ قالماي, الەمدىك رەكوردتى دا جاڭارتتى. سول جارىستا ول داڭقتى يليا ءيليننىڭ كورسەتكىشىنەن دە اسىپ تۇسكەن ەدى. ال قاراشا ايىندا ۇيىمداستىرىلعان الەم كۋبوگىندا قازاقتىڭ اسا دارىندى زىلتەمىرشىسىنە تاعى دە تەڭ كەلەر ەشكىم تابىلمادى.
سونداي-اق, ۇزدىك بەستىكتىڭ قاتارىنا فۋتبولشى باحتيەر زاينۋتدينوۆ, حوككەيشى داررەن ديتس, كاسىپقوي بوكسشى گەننادي گولوۆكين جانە ارالاس جەكپە-جەك شەبەرى شاۆقات راحمونوۆ سىندى ساڭلاقتار ەندى.
