ايماقتار • 10 قاڭتار، 2021

بيىلعى سايلاۋدىڭ وزگەشەلىگى كوپ

114 رەت كورسەتىلدى

مەن بۇل جولعى سايلاۋدا ءوز تاڭداۋىمدى جاسادىم. بۇل سايلاۋ ەرەكشە ءوتتى دەۋگە بولادى. سەبەبى، جاڭا پارتيالار مەن وزگەرىستەر جاساعان پارتيالار دا تىزىمگە ەنىپتى. سايلاۋالدى جۇمىستاردىڭ وزىنەن كوپ وزگەرىستەر بايقاعان بولاتىنمىن. ماسەلەن، سايلاۋ الدىندا اشىقتىق، قولجەتىمدىلىك بيلىك قۇرۋمەن قاتار، پرەزيدەنتتىڭ «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس بارلىق كەزدەسۋلەر اگيتاتسيالىق سيپاتتا ءوتتى. جامبىل وڭىرىندە پارتيا اراسىنداعى داۋ-داماي دەگەن سياقتى ەشقانداي جاعدايلار بايقالعان جوق. بۇل تۇرعىدا جىلدان جىلعا ازاماتتاردىڭ كوزقاراسى وزگەرىپ كەلەدى. اسىرەسە، بۇرىن كوپشىلىك سايلاۋعا بارا بەرمەيتىن. ال، قازىر ءاربىر ازامات وتباسىمەن سايلاۋعا مىندەتتى تۇردە قاتىسىپ، ءوز تاڭداۋىن جاساپ، وزگەرىستەرگە ۇلەس قوسۋدا.

جالپى، ءوز باسىم بۇل سايلاۋدان كوپ وزگەرىس كۇتەمىن. ادالدىق پەن پاراساتتىلىق، ەل سەنىمى دەگەن قۇندىلىقتار مەن ءۇشىن ءبىرىنشى ورىندا تۇرادى. سايلاۋعا ءتۇسىپ جاتقان ۇمىتكەرلەردىڭ ارقايسىسىن جاقسى تانيمىن. ولار قوعامدا بەدەلدى، وزىندىك ايتارى بار، ءوز پىكىرى قالىپتاسقان ازاماتتار. ەندى سايلاۋ ناتيجەسىندە جەڭىمپاز بولعان پارتيامەن بىرگە كانديداتتار الداعى ۋاقىتتا كەزەڭ-كەزەڭىمەن باعدارلاماسىن جۇزەگە اسىراتىن بولسا، وندا بولاشاعىمىز ءۇشىن قورقىنىش جوق. ءاربىر كانديداتتىڭ باعدارلاماسىمەن تانىسىپ شىقتىم. بۇل رەتتە تاعى ءبىر ايتا كەتەتىن نارسە، كانديداتتاردىڭ ءتىزىمى جاڭارتىلعان. ماسەلەن، مەن بايزاق اۋدانىندا تۇرامىن. مۇندا ءماسليحات دەپۋتاتتىعىنا ۇمىتكەر ازاماتتار سايلاۋعا ءبىرىنشى رەت قاتىسىپ وتىر. ادەتتە دەنساۋلىق ساقتاۋ، ءبىلىم سالاسىنىڭ باسشىلارى نەمەسە مەملەكەتتىك مەكەمە قىزمەتكەرلەرى دەپۋتاتتىققا كانديدات بولسا، بۇل جولى كاسىپكەرلەر كانديداتۋراسى كوپ. قاراپايىم مۇعالىمدەر مەن دارىگەرلەر دە بار. سول ءۇشىن ءماسليحات قۇرامىنا وسىنداي قاراپايىم ازاماتتار ەنسە، سول ورتادان شىققان سوڭ ادال قىزمەت ەتەدى دەگەن ويىم بار. نەگىزىنەن ءار كانديدات ادال، پاراساتتى، ءادىل بولسا بولدى. سايلاۋدىڭ جوعارى دەڭگەيدە وتۋىنە تىلەكتەسپىن! ەلىمىز امان، جۇرتىمىز تىنىش، بىرلىك پەن تاتۋلىقتا ءومىر سۇرەيىك!

 

نازيما دارمەنقىزى

«جامبىل ادالدىق الاڭى» جوبالىق ءوفيسىنىڭ جەتەكشىسى

«ادال قوعام» قوعامدىق بىرلەستىگىنىڭ ءتورايىمى

 

 

 

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار