ساياسات • 10 قاڭتار، 2021

تۋگرۋل چاماش: قازاقستان دەموكراتيا جولىندا ماڭىزدى قادامدار جاساۋدا

85 رەت كورسەتىلدى

تۇركيا رەسپۋبليكاسى قورشاعان ورتا جانە ۋربانيزاتسيا مينيسترلىگىنىڭ كەڭەسشىسى، تاۋەلسىز ساراپشى تۋگرۋل چاماش قازاقستانداعى پارلامەنت ءماجىلىسى دەپۋتاتتارىنىڭ سايلاۋىنا حالىقارالىق بايقاۋشى رەتىندە قاتىسىپ جاتىر، دەپ حابارلايدى Egemen.kz.

– قازاقستانداعى سايلاۋدى باقىلاۋ مۇمكىندىگىنىڭ تۋعانىنا ريزامىن. ويتكەنى، بۇل ەلدەگى جاعدايدىڭ ءبارىن ءجىتى نازاردا ۇستايمىز. بيىل قازاقستاننىڭ تاۋەلسىزدىك العانىنا 30 جىل. وسى ۋاقىت ارالىعىندا قازاقستان ءوزىن قۋاتتى مەملەكەت رەتىندە تانىتتى. ەلدىڭ دامۋىنا باعىتتالعان رەفورمامالاردى ءساتتى جالعاستىرىپ كەلەدى. بۇل رەتتە، قازاقستان تۇراقتىلىق پەن دامۋ تۇرعىسىنان كوپ ەلگە ۇلگى بولىپ وتىر. قازاقستان دەموكراتيا جولىندا ماڭىزدى قادامدار جاساۋدا. سونىڭ ءبىر دالەلى – بۇگىنگى سايلاۋ، دەدى تۋگرۋل چاماش.

ول ءوز سوزىندە جۋىردا رەسپۋبليكالىق "Egemen Qazaqstan" گازەتىندە جاريالانعان پرەزيدەنت قاسىم-جومارت توقاەۆتىڭ "تاۋەلسىزدىك بارىنەن قىمبات" اتتى ماقالاسىن وقىعانىن اتاپ ءوتتى.

– پرەزيدەنتتىڭ ماقالاسىنان قازاقستاننىڭ قانداي جولدان وتكەنىن اڭعارۋعا بولادى جانە بۇل ەل بارلىق سالادا تابىستى دامىپ كەلەدى، دەدى ول.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار