ارىزدانۋشى بەلگىسىز ادامداردىڭ جىلقىنى اتىپ الۋعا وقتالعانىن ايتىپتى. پوليتسيا قىزمەتكەرلەرى جايىلىمعا بارىپ, وقيعا ورنىن تەكسەرۋ بارىسىندا بەلگىسىز ازاماتتاردىڭ اياق كيىم ىزدەرىن تابادى.
جەدەل-ىزدەستىرۋ شارالارى بارىسىندا بۇل قىلمىسقا 31 جاستاعى اۋىل تۇرعىنىنىڭ قاتىسى بار ەكەندىگى انىقتالدى. جانۋارعا مىلتىق كەزەگەن ول قىلمىستىق ارەكەتىن بەلگىسىز سەبەپتەرمەن سوڭىنا دەيىن جەتكىزە الماي, وقيعا ورنىنان قاشىپ كەتكەن.
اتالعان دەرەك بويىنشا قازاقستان رەسپۋبليكاسىنىڭ قىلمىستىق كودەكسىنىڭ 24-بابىنىڭ ءۇشىنشى, 188-1 بابىنىڭ 1-بولىگىمەن سوتقا دەيىنگى تەرگەپ-تەكسەرۋ جۇرگىزىلۋدە. وقيعانىڭ ءمان-جايى انىقتالۋدا.
