مەديتسينا • 08 قاڭتار، 2021

ورالدا جاڭا اۋرۋحانا اشىلدى

75 رەت كورسەتىلدى

ورال قالاسىندا جۇقپالى اۋرۋلار اۋرۋحاناسىنىڭ جاڭا عيماراتى اشىلدى، دەپ حابارلايدى EEgemen.kz

جاڭا اۋرۋحانا مەملەكەت باسشىسى قاسىم-جومارت توقاەۆتىڭ تاپسىرماسىمەن جانە قازاقستان ۇكىمەتىنىڭ باستاماسىمەن سالىندى. وتكەن جىلى بۇكىل ادامزاتتى دۇرلىكتىرگەن كوروناۆيرۋس ەپيدەمياسى ەلىمىزدىڭ ءار وڭىرىندە وسىنداي زاماناۋي ورتالىق قاجەتتىگىن انىق كورسەتكەن بولاتىن. ويتكەنى پاندەميا كەزىندە مەديتسينالىق ۇيىمدارعا، ەڭ الدىمەن ينفەكتسيالىق اۋرۋحانالارعا ۇلكەن سالماق ءتۇستى. جاڭا عيمارات وسى قاجەتتىلىكتى وتەۋگە، ناۋقاستاردى جاڭاشا ەمدەۋگە مۇمكىندىك بەرەدى.

مودۋلدىك ستاتسيوناردى ەنگىزۋ ينفەكتسيالىق اۋرۋحانانىڭ مۇمكىندىگىن ەداۋىر كەڭەيتۋگە مۇمكىندىك بەرگەن. وسىنداي ءمودۋلدى ينفەكتسيالىق اۋرۋحانالار قازاقستاننىڭ بارلىق وبلىس ورتالىقتارىندا سالىندى. باس مەردىگەر كومپانيا - BI-group - قازاقستانداعى قۇرىلىس كوشباسشىلارىنىڭ ءبىرى بولسا، ورالداعى اۋرۋحانا عيماراتىن BI-group-تىڭ ەنشىلەس كومپانياسى - «KazPACO» جشس باسقاردى.

ورال قالاسىنىڭ «جۇلدىز» شاعىناۋدانىنان بولىنگەن 4 گەكتار اۋماق – وبلىس ورتالىعىنىڭ ەكولوگيالىق تازا پۇشپاعى. اۋرۋحانا قۇرىلىسىنا شامامەن 1000 ادام قاتىستى، ولاردىڭ نەگىزگى بولىگى جەرگىلىكتى تۇرعىندار ەدى.

جاڭا ءمودۋلدى اۋرۋحانا 8 بلوكتان قۇرىلعان ءبىر قاباتتى عيماراتتاردان تۇرادى. ول 200 توسەككە ەسەپتەلگەن. مۇندا 20 رەانيماتسيا بولىمشەسى بار. قۇرىلىس بار-جوعى ءۇش اي ىشىندە سالىنىپ ءبىتتى.

بۇل اۋرۋحانا عيماراتى پنەۆمونيامەن اۋىراتىن، وڭ جانە جاعىمسىز CVI تارالاتىن ناۋقاستاردى، جۇكتى ايەلدەردى، بالالاردى، قوسىمشا اۋرۋلارى بار ناۋقاستاردى ەمدەۋگە جاتقىزۋعا ىڭعايلى. ينفەكتسيا جولىن ازايتۋ ءۇشىن ءار بلوكقا كىرىپ-شىعاتىن اۆتونومدى ەسىكتەر جاساقتالعان. مەديتسينا قىزمەتكەرلەرىنىڭ دەمالىس بولمەسى، «لاس» ايماققا كىرەر الدىندا نەمەسە ودان شىققان كەزدە كيىم اۋىستىراتىن ارناۋلى بولمەلەر جاساقتالعان.

اۋرۋحاناىڭ اشىلۋىنا قاتىسقان باتىس قازاقستان وبلىسىنىڭ اكىمى عالي ەسقاليەۆ مەديتسينا ارداگەرلەرىمەن بىرگە بارلىق بولمە-جايدى ارالاپ كورىپ شىقتى. ينفەكتسيالىق اۋرۋحانا ديرەكتورى ناديا احمەتوۆا ءار بلوكتى تانىستىرىپ، اۋرۋحانا جابدىقتالعان زاماناۋي جابدىقتارمەن تانىستىردى. ياعني مۇندا ساراپتامالىق سىنىپتاعى ۋلترادىبىستىق اپپارات، تسيفرلىق رەنتگەن اپپاراتى; 32 ءتىلىم جۇيەسى بار كومپيۋتەرلىك توموگرافيا، بيوماتەريالداردى زەرتتەۋگە ارنالعان زەرتحانالىق اناليزاتورلار، ەندوسكوپيالىق ستەندتى بەينەبرونحوسكوپ سەكىلدى قىمبات تا قاجەتتى قۇرالدار بار. ايتا كەتەيىك، اۋرۋحانانىڭ مەدبيكە قۇرامى بۇل جابدىقتارمەن جۇمىس ىستەۋگە ماشىقتانعان.