بيزنەس وكىلدەرى, كاسىپورىندار, فەرمەرلەر, ءبىلىم بەرۋ ۇيىمدارىنىڭ قىزمەتكەرلەرى, دەنساۋلىق ساقتاۋ مەكەمەلەرىنىڭ قىزمەتكەرلەرى, زەينەتكەرلەر جانە جاستار – ADAL پارتياسى اتىنان ءماجىلىس دەپۋتاتتىعىنا ۇمىتكەرلەر وتكىزەتىن كەزدەسۋلەردىڭ قاتىسۋشىلارى.
پارتيا بەلسەندىلەرى ۇيىمداستىرعان كەشەگى كەزدەسۋدە پارتيا مۇشەسى الينا اسقاروۆا «پارتيا ءبىلىم بەرۋ, دەنساۋلىق ساقتاۋ جانە بيزنەستە ازاماتتاردى قولداۋ ماسەلەلەرىن ىلگەرىلەتۋگە نيەتتى», دەدى جينالعان قاۋىمعا.
حالىقپەن ءار كەزدەسۋ پارتيانىڭ سايلاۋالدى باعدارلاماسىن, تۇرعىنداردىڭ پروبلەمالىق ماسەلەلەرى مەن ۇسىنىستارىن بەلسەندى تالقىلاۋمەن وتەدى.
مۇنداي كەزدەسۋلەر, مەملەكەت استاناسى نۇر-سۇلتاندا ءوتتى. ءماجىلىس دەپۋتاتتىعىنا ۇمىتكەر الينا اسقاروۆا, سونداي-اق قالالىق ءماسليحات دەپۋتاتتىعىنا ۇمىتكەر سەرىكبول ءابجانوۆ ەلوردا جاستارىمەن جانە كاسىپكەرلەرىمەن ەگجەي-تەگجەيلى اڭگىمەلەستى.
كەزدەسۋگە قاتىسۋشىلاردىڭ كوپشىلىگى ADAL-دان بيزنەس ماسەلەلەرىن شەشۋگە كومەكتەسۋىن سۇرادى.
– كارانتين كەزىندە كوپتەگەن كاسىپ ءىس جۇزىندە توقتادى. شەكتەۋ كاسىپكەرلەرگە زيان تيگىزدى. اسىرەسە, ءوز ءىسىن ەندى باستاعاندار كوپ زارداپ شەكتى. پارتيا قيىن كەزەڭدەردە جانە جۇمىسىنىڭ العاشقى جىلدارىندا بيزنەستى قولداۋدىڭ ءتيىمدى شارالارىن العا تارتسا جاقسى بولار ەدى, – دەيدى كەزدەسۋگە قاتىسۋشى ازاماتتار.
الينا اسقاروۆا بۇل ۇسىنىسقا بىلاي دەپ جاۋاپ بەردى:
– پارتيا باعدارلاماسى پروبلەمالىق نەسيەلەرگە راقىمشىلىق جاساۋ, جەڭىلدەتىلگەن نەسيە بەرۋ جانە باسقا دا شارالاردى قاراستىرادى. سونىمەن قاتار سايلاۋ ناتيجەسى قانداي بولاتىنىنا قاراماستان, پارتيا ازاماتتاردى ءبىلىم بەرۋ, دەنساۋلىق ساقتاۋ جانە بيزنەستە قولداۋ ماسەلەلەرىن ىلگەرىلەتۋگە نيەتتى ەكەنىن اتاپ وتكىم كەلەدى, – دەدى.
پارتيانىڭ باسىمدىقتارى تۋرالى تولىق اقپاراتتى تىڭداپ, قاتىسۋشىلار ءوز قولداۋىن ءبىلدىردى.
الينا اسقاروۆا مەن قالالىق ءماسليحات دەپۋتاتتىعىنا ۇمىتكەر ەلميرا ساكالوۆانىڭ قاتىسۋىمەن تاعى ءبىر كەزدەسۋ ءوتتى.
ەلوردانىڭ بەلسەندى ەرىكتىلەرى وزدەرىنىڭ قايىرىمدىلىق قىزمەتى تۋرالى ايتىپ بەردى. ولار «نۇر-سۇلتان كومەك قورى» جۇمىسى تۋرالى ءسوز قوزعادى.
ەرىكتىلەر مۇقتاج جاندارعا ازىق-تۇلىك جيىنتىقتارىن, وتباسىلارعا زاڭ كومەگى جانە اۋىر ناۋقاس بالالارعا كومەك كورسەتۋ ءىس-شارالارىن وتكىزۋدە كومەكتەسەدى.
كەزدەسۋگە قاتىسۋشىلار ۋنيۆەرسيتەتتەردە ءبىلىم ساپاسىن ارتتىرۋ, تەگىن ءبىلىم, گرانتتار سانىن كوبەيتۋ كەرەك دەگەن پىكىرلەرىن ءبىلدىردى. سونىمەن قاتار ولار جاس-
تاردى جۇمىسپەن قامتۋعا كومەك كورسەتۋ قاجەتتىلىگى تۋرالى ماسەلەلەر كوتەردى.
جالپى, تۇرعىندار مەملەكەت تاراپىنان كورسەتىلەتىن كومەك ۋاقتىلى جəنە شىنايى, ساپالى بولعانىن قالايدى. ADAL پارتياسىنىڭ وكىلدەرى بۇل ماسەلەنى قاراۋسىز قالدىرمايتىنىن جəنە اتالعان پروبلەمالاردىڭ بارلىعىنىڭ ناقتى شەشىمىن تابۋىنا پارتيا ءوز كەزەگىندە اتسالىساتىنىن جەتكىزدى.
