ءبىر ايعا سوزىلعان دايىندىق كەزىندە اسكەري قىزمەتشىلەر فۋنكتسيونالدىق مىندەتتەرىن, شتاتتىق قارۋ-جاراق پەن اسكەري تەحنيكانى قولدانۋدى, اتۋدى, شتاتتىق بايلانىس قۇرالدارىمەن جۇمىس ىستەۋدى جانە العاشقى مەديتسينالىق كومەك كورسەتۋدى ۇيرەتتى. ساباقتار ءاربىر اسكەري ماماندىق بويىنشا جەكە وتكىزىلدى.
«بۇگىنگى تاڭدا دايىندىقتان شامامەن 1100 اسكەري قىزمەتشى ءوتتى. ەلىمىزدىڭ قارۋلى كۇشتەرىندە تەك ساۋاتتى, ءوز ءىسىن جەتىك بىلەتىن جوعارى بىلىكتى ماماندار قىزمەت ەتۋى ءتيىس. سوندىقتان اسكەري قىزمەتشىلەردىڭ جاۋىنگەرلىك دايىندىقتارىنا ەرەكشە كوڭىل بولىنەدى», - دەدى ق. قايسەنوۆ اتىنداعى اسكەري ءبولىم كومانديرى, پودپولكوۆنيك اسلان كىتاپباەۆ.
اتالعان وقۋ دايارلىعىن تاجىريبەلى اسكەري ماماندار, نۇسقاۋشىلار جۇرگىزدى. ماسەلەن, موتواتقىشتار بولىمشەلەرىندە ءجاۇم (جاياۋ اسكەر ۇرىس ماشينالارىنىڭ) كوزدەۋشى-وپەراتورلار سياقتى ماماندار بار. ولار ەكيپاج قۇرامىندا ۇيلەسىمدى جۇمىس ىستەي الۋى ءتيىس.
«ماماندىق بويىنشا دايىندىق كەزىندە ءبىز كوزدەۋشى-وپەراتورلاردى زەڭبىرەكتەن اتۋ جانە ونىمەن قوسارلانعان پۋلەمەتتەن اتۋ ەرەجەلەرىن ۇيرەتۋىمىز كەرەك. بۇل ماشىقتاردىڭ بارلىعى اسكەري قىزمەتشىنىڭ كاسىبيلىگىن ارتتىرۋ جانە ءوز ماماندىعى مەن ۇرىستاعى ماقساتىن دۇرىس ءتۇسىنۋ ءۇشىن قاجەت», – دەدى كوزدەۋشى وپەراتورلاردىڭ نۇسقاۋشى سەرجانتى ەراسىل ماراتوۆ.
جاۋىنگەرلەردى دايىنداۋ جۇمىستارى وسىمەن توقتامايدى. ءالى دە شىنىعۋ, شىڭداۋ جۇمىستارى جۇرگىزىلە بەرمەك.
