kursiv.kz
بۇل قۇرىلىس مەرزىمىن ءتورت ەسە قىسقارتۋعا مۇمكىندىك بەرىپ قانا قويماي, تۇرعىن ءۇيدىڭ وزىندىك قۇنىن ەداۋىر تومەندەتىپ, ساپاسىن ارتتىرادى. سونداي-اق تۇرعىن ءۇيدى ەل ازاماتتارى ءۇشىن بارىنشا قولجەتىمدى ەتە وتىرىپ, رەسپۋبليكانىڭ تۇرعىن ءۇي سالاسىن تۇبەگەيلى وزگەرتەدى.
اتالعان كاسىپورىن تەمىربەتون بۇيىمدارىن – بلوك-بولمەلەر شىعارادى, ودان LEGO كونسترۋكتورى قاعيداتى بويىنشا تۇرعىن ۇيلەر نەمەسە الەۋمەتتىك ينفراقۇرىلىم نىساندارى سالىنادى. ازىرگە زاۋىتتىڭ ءبىرىنشى كەزەگى ەنگىزىلدى. ونىڭ وندىرىستىك قۋاتى – 200 مىڭ شارشى مەتر. 2 جانە 3-كەزەك ەنگىزىلگەننەن كەيىن قۋات 1000 شارشى مەترگە دەيىن ارتادى.
يندۋستريالىق مودۋلدىك ءۇي قۇرىلىسىنىڭ جوعارى ەكولوگيالىق تازا بولۋىنا كەرامزيتبەتوننىڭ قولدانىلۋى جانە شاڭدى جۇمىستاردىڭ زاۋىت تسەحىندا جۇرگىزىلۋى سەپتەسىپ وتىر. جىلۋ جانە شۋ وقشاۋلاۋ قاسيەتتەرىنىڭ ساپالىق كورسەتكىشتەرىنە قوس قابىرعالار, ەدەندەر مەن توبەلەر ەسەبىنەن قول جەتكىزىلەدى. ايتا كەتەتىن جايت, بۇل تەحنولوگيا گەرمانيادا از قاباتتى قۇرىلىس ءۇشىن جانە سينگاپۋردە 30-40 قاباتتى تۇرعىن ءۇي مەن كوممەرتسيالىق عيماراتتار ءۇشىن بەلسەندى قولدانىلادى.
سونىمەن قاتار مۇنداي زاۋىتتى الماتىدا دا سالۋ جوسپارلانىپ وتىر. «الماتى – ەلىمىزدىڭ ءىرى قالاسى. مودۋلدىك تەحنولوگيا وسى وڭىردە زاماناۋي جانە قولجەتىمدى تۇرعىن ءۇي سالۋدى جاڭا دەڭگەيگە كوتەرەتىنىنە سەنىمدىمىز. قازىر ءبىز بىرقاتار تاجىريبەلىك زەرتتەۋلەر جۇرگىزىپ جاتىرمىز», دەيدى Modex دامۋ جونىندەگى ديرەكتورى ازات ءادىلحان.
سونداي-اق, بيىل الەمدى جايلاعان پاندەمياعا بايلانىستى بارلىق قيىندىقتارعا قاراماستان, بەتون جانە گازوبلوك وندىرەتىن «باراكات ينۆەست» زاۋىتى تسەمەنت جانە گيپس نەگىزىندە قۇرعاق قۇرىلىس قوسپالارىن ءوندىرۋ تسەحىن اشتى. ەندى زاۋىتتا گيپستىق سىلاق, قۇيمالى ەدەن, گازوبلوك پەن كافەلگە ارنالعان جەلىم شىعارىلادى. وندىرىستە جەرگىلىكتى, قازاقستاندىق شيكىزات پايدالانىلادى. مىسالى, قابانباي باتىر اۋىلىنان قۇم, ۆولگودونوۆكا مەن ارشالى اۋىلدارىنان قيىرشىق تاس جەتكىزىلمەك. ءوندىرىستى كەڭەيتۋ ارقىلى قوسىمشا 10 جۇمىس ورنى اشىلدى. جاقىن ارادا 2-ءشى جەلىنى ىسكە قوسۋ جوسپارلانىپ وتىر.
بۇدان بولەك, پوليەتيلەن, پوليپروپيلەن قۇبىرلارىن, سونداي-اق پەنوپوليۋرەتاندى وقشاۋلاۋدا مەتالل جىلۋ وقشاۋلاعىش قۇبىرلارىن شىعاراتىن Kerim Plastic Pipes زاۋىتى اشىلدى. ال Central Beton Company جاڭا كاسىپورنىندا تاۋلىگىنە 3 مىڭ تەكشە مەتر بەتون وندىرىلەدى. سونداي-اق, كومپانيانىڭ تەمىرجول تۇيىعىندا قويماسى بار, وندا ءبىر مەزگىلدە 3 مىڭ تونناعا دەيىن تسەمەنت ساقتاۋعا بولادى. كاسىپورىن ءونىمى نۇر-سۇلتان قالاسىندا جانە اقمولا وبلىسىنىڭ اۋماعىندا تاراتىلادى.
«بولاشاق 2019» جشس-دە مەديتسينالىق بەتپەردەلەر ءوندىرىسى ىسكە قوسىلدى. كاسىپورىن دايىن ونىممەن ەلوردا حالقىن قامتاماسىز ەتەدى جانە ەلىمىزدىڭ بارلىق وڭىرلەرىنە جەتكىزەدى.
