رەيتينگ ناتيجەسى بويىنشا انىقتالعان مىقتى ۋنيۆەرسيتەتتەردىڭ وندىعىندا اكادەميالىق ادالدىق ليگاسىنىڭ قۇرامىنداعى ۋنيۆەرسيتەتتەر دە بار. ۇزدىك وقۋ ورىندارىنىڭ وندىعى مىناداي:
- م.س.نارىكباەۆ اتىنداعى KAZGUU ۋنيۆەرسيتەتى;
- قازاقستان-بريتان ۋنيۆەرسيتەتى;
- كيمەپ ۋنيۆەرسيتەتى;
- حالىقارالىق اقپاراتتىق تەحنولوگيالار ۋنيۆەرسيتەتى;
- قازاقستان-نەمىس ۋنيۆەرسيتەتى;
- سۇلەيمەن دەميرەل اتىنداعى ۋنيۆەرسيتەت;
- ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى;
- حالىقارالىق ءبىلىم بەرۋ كورپوراتسياسى;
- اكادەميك ە.ا.بوكەتوۆ اتىنداعى قاراعاندى ۋنيۆەرسيتەتى;
- نارحوز ۋنيۆەرسيتەتى.
108 ۋنيۆەرسيتەت بويىنشا 2 مىڭعا جۋىق ءبىلىم بەرۋ باعدارلاماسىن زەرتتەۋ جۇمىسىنا 6 مىڭ ساراپشى قاتىسقان. رەيتينگ جوعارى وقۋ ورىندارىنىڭ ارتىقشىلىقتارىن انىقتاۋ, بەدەلىن كوتەرۋ جانە ءبىلىم بەرۋ ساپاسىنىڭ ۇلتتىق جانە حالىقارالىق نارىقتا دەڭگەيىن كوتەرۋگە باعىتتالعان. زەرتتەۋ بارىسىندا تۇلەكتەردىڭ جۇمىسقا ورنالاسۋ كورسەتكىشتەرى, جوعارى وقۋ ورىندارىنداعى ءبىلىم بەرۋ باعدارلامالارىنىڭ ساپاسى جانە ءبىلىم الۋشىلاردىڭ جەتىستىكتەرى ەسكەرىلدى.
«مەملەكەت باسشىسى قاسىم-جومارت توقاەۆ 2020 جىلى 27 مامىردا وتكەن ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا جوعارى وقۋ ورىندارى اراسىندا باسەكەلەستىكتى دامىتۋ قاجەتتىگىن اتاپ ءوتتى. باسەكەلەستىكتى دامىتۋدىڭ بىردەن ءبىر جولى – قازاقستاندىق جوعارى وقۋ ورىندارىنىڭ ءبىلىم بەرۋ باعدارلامالارى نارىقتاعى سۇرانىسقا قانشالىقتى ساي كەلەتىنىن انىقتاۋ, جوعارى وقۋ ورىندارىنىڭ رەيتينگىن جاساۋ», دەپ حابارلادى اكادەميالىق ادالدىق ليگاسىنىڭ ءباسپاسوز قىزمەتى.
