«بۇل اسا ماڭىزدى قۇجات. ول جان-جاقتى تالقىلاندى. جاسىراتىنى جوق, ەكولوگيالىق جانە ەكونوميكالىق مۇددەلەر اراسىنداعى تەپە-تەڭدىكتى ەسكەرۋ قاجەت بولعاندىقتان قيىندىقتار كەزدەستى. ەكولوگيالىق احۋالدى بارىنشا تەز جاقسارتامىن دەگەن ازاماتتاردىڭ ىقىلاسىن تۇسىنۋگە بولادى. الايدا بۇل احۋالدىڭ جاقسارۋى ءبىر دەگەندە ەمەس, بىرنەشە جىلدىڭ ىشىندە ورىن الادى. سەبەبى ەكولوگيانى جاقسارتۋ ءۇشىن ءبىزدىڭ ونەركاسىپتە ايتارلىقتاي تەحنيكالىق جانە تەحنولوگيالىق جۇيەلى وزگەرىستەردى ىسكە اسىرۋ قاجەت», دەدى م. مىرزاعاليەۆ.
وسى ورايدا مينيستر مەملەكەت باسشىسى جاقىندا عانا قول قويعان كودەكستىڭ رەفورماتورلىق قۇجات ەكەنىن ايتتى.
ء«ۇش كۇن بۇرىن مەملەكەت باسشىسىنىڭ ەكولوگيالىق كودەكسكە قول قويعانىن ەرەكشە قۋانىشپەن اتاپ وتكىم كەلەدى. قابىلدانعان قۇجاتتى رەفورماتورلىق دەپ اتاۋعا بولادى. ول ەكونوميكالىق ىنتىماقتاستىق جانە دامۋ ۇيىمى (وەسر) مەن ەۋروپا ەلدەرىنىڭ وزىق تاجىريبەسىن ەسكەرە وتىرىپ, پىسىقتالدى», دەدى ول.
