الەم • 05 قاڭتار، 2021

ديماش اقش پرەزيدەنتىنىڭ يناۋگۋراتسياسىن مەرەكەلەۋ سالتاناتىنا قاتىسادى

91 رەت كورسەتىلدى

ديماش قۇدايبەرگەن اقش پرەزيدەنتىنىڭ يناۋگۋراتسياسىن مەرەكەلەۋ اپتالىعىنىڭ اشىلۋ سالتاناتىنا قاتىسادى، دەپ حابارلايدى Egemen.kz dimashnews سايتىنا سىلتەمە جاساپ.

بۇگىن ديماش قۇدايبەرگەننىڭ امەريكا قۇراما شتاتتارىندا 17 قاڭتار كۇنى باستالاتىن جاڭادان سايلانعان اقش پرەزيدەنتى دجوزەف بايدەننىڭ يناۋگۋراتسياسىن تويلاۋ اپتالىعىنىڭ اشىلۋ سالتاناتىنا قاتىساتىندىعى حابارلاندى.

ءداستۇر بويىنشا بۇل ءىس-شارانى باۋىرلاس قالالار اسسوتسياتسياسى – «Sister Cities International» ۇيىمى وتكىزەدى. اقش-تىڭ جاڭادان سايلانعان پرەزيدەنتى دجوزەف بايدەن بۇل ۇيىمنىڭ قۇرمەتتى تەڭ توراعاسى بولدى. سونىمەن قاتار بۇل ءىس-شاراعا ديپلوماتيالىق كورپۋستا قاتىسادى.

كوروناۆيرۋس ينفەكتسياسى پاندەمياسىنا بايلانىستى مەرەكە 2021 جىلدىڭ 17 قاڭتارىندا ساعات 19:00-دەن 21:00-گە دەيىن (نۇر-سۇلتان ۋاقىتى بويىنشا ساعات 6:00-دەن 8:00-گە دەيىن) ونلاين تۇردە وتەدى.

ۆاشينگتوندا ورنالاسقان «Sister Cities International» حالىقارالىق ۇكىمەتتىك ەمەس ۇيىمىنىڭ نەگىزىن 1953 جىلى اقش-تىڭ 34-پرەزيدەنتى دۋايت ەيزەنحاۋەر قالاعان.

سول كەزدەن بەرى اقش پرەزيدەنتتەرى دجون ف. كەننەدي، ۇلكەن دجوردج بۋش، بيلل كلينتون، باراك وباما جانە دونالد ترامپ بۇل ۇيىمنىڭ قۇرمەتتى تەڭ توراعالارى بولدى.

70-جىلعا جۋىق تاريحىندا «Sister Cities International» اقش قالالارى جانە ونىڭ 130-دان اسا مەملەكەتتەردەگى باۋىرلاس قالالارىنىڭ ءوزارا ارەكەتتەسۋىنە بايلانىستى كوپتەگەن ءىس-شارالاردى وتكىزدى.

وسى جىلى «Sister Cities International» سەگىز مارتە «گرەممي» جۇلدەگەرى – اڭىزعا اينالعان ءانشى دايون ۋورۆيككە ۇزاق جىلدار ەتكەن ەڭبەگى ءۇشىن ماراپات ۇسىنادى. سونىمەن قاتار، دايون ۋورۆيكتىڭ الەمگە «The Weeknd» رەتىندە بەلگىلى ءۇش مارتە «گرەممي» جۇلدەگەرى ابەل تەسفايمەن بىرلەسىپ جۇمىس جاساي باستاعانى بەلگىلى بولدى.

«Sister Cities International» ۇيىمىنىڭ نەگىزى قالانعالى جانە اقش پەن قازاقستاننىڭ قارىم-قاتىناسى تاريحىندا العاش رەت جاڭا سايلانعان اقش پرەزيدەنتىنىڭ يناۋگۋراتسياسىن تويلاۋ اپتالىعىن اشۋشى ءىس-شاراعا قازاقستاندىق ءانشى – ديماش قۇدايبەرگەن قاتىسادى.

«Sister Cities International» ءىس-شاراسىنان ءبىر كۇن بۇرىن، 16 قاڭتاردا قازاقستاندىق ورىنداۋشىنىڭ «DIMASH DIGITAL SHOW» اتتى العاشقى ونلاين-كونتسەرتى وتكىزىلەدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار