ەستەرىڭىزگە سالا كەتەيىك, ۆولونتەرلىكتى دامىتۋ ماقساتىندا قازاقستان پرەزيدەنتى قاسىمجومارت توقاەۆ 2020 جىلدى ۆولونتەر جىلى دەپ جاريالاعان بولاتىن.
«ۇزدىك ۆولونتەر» بايقاۋى اياسىندا «ۇزدىك كورپوراتيۆتىك ۆولونتەر», «ۇزدىك ۆولونتەرلىك كوماندا» جانە «ۇزدىك ۆولونتەرلىك جوبا» نوميناتسيالارىنىڭ جەڭىمپازدارى انىقتالدى.
قور كومپانيالارى توبى قىزمەتكەرلەرىنىڭ بارلىعى 87 ۆولونتەرلىك باستاماسى قارالدى. ولاردىڭ ىشىندە 13 جوبا فينالعا ءوتتى.
«ۇزدىك كورپوراتيۆتىك ۆولونتەر» نوميناتسياسىندا 1 ورىندى «وزەنمۇنايسەرۆيس» سەيدوۆ ورىنباسار يەلەندى, ول 93 پاندۋس ورناتتى, 50-دەن استام شاعىن وتباسىن ازىق-ت ۇلىك سەبەتتەرىمەن قامتاماسىز ەتتى, پاندەميا كەزىندە 2000-نان استام بەتپەردە تاراتىپ, مەديتسينا قىزمەتكەرلەرىن ىستىق تاماقپەن قامتاماسىز ەتتى جانە تاعى دا باسقا يگى ءىس-شارالار وتكىزدى.
«ۇزدىك ۆولونتەرلىك جوبا» نوميناتسياسىندا 1 ورىندى «وزەنمۇنايگاز» ءادىل سۋەباي يەلەندى, ول دتسپ جانە اۋتيزم دياگنوزى بار 770 بالالاردى ەمدەۋدى ۇيىمداستىردى.
«ۇزدىك ەرىكتىلەر كومانداسى» نوميناتسياسى «قازترانسويل» اق قىزمەتكەرلەرىنە بەرىلدى. تج كەزىندە قىزمەتكەرلەر گۋمانيتارلىق كومەكتى اتىراۋ قالاسىنداعى بالالار ۇيلەرى مەن رەسۋرستىق ورتالىقتارعا, ومىرلىك قيىن جاعدايعا تاپ بولعان ادامداردى قايتا الەۋمەتتەندىرۋگە ارنالعان ورتالىققا, اتىراۋ وبلىسىنداعى تۇرمىستىق زورلىق-زومبىلىققا ۇشىراعان ايەلدەرگە ارنالعان داعدارىس ورتالىعىنا جانە ت.ب. جەتكىزدى.
جەڭىمپازدار باعالى جانە ەستەلىك سىيلىقتارىمەن ماراپاتتالدى.
ء«بىزدىڭ يگى ىستەرىمىزدىڭ ناتيجەلەرى مەن بايقاۋداعى جەڭىس وندىرىستىك جاستاردىڭ قوعامدىق بىرلەستىكتەرمەن جانە مەملەكەتتىك ۇيىمدارمەن تەڭ دارەجەدە قورشاعان ورتانى قورعاۋ, قايىرىمدىلىق, سالاۋاتتى ءومىر سالتىن ناسيحاتتاۋ سياقتى سالالاردا بەلسەندىلىك تانىتا الاتىنىن دالەلدەدى. ۆولونتەرلەر جىلى ءبىزدى بىرىكتىرىپ قانا قويماي, كورپوراتيۆتىك رۋحتى نىعايتتى», - ەدى شاكىموۆا التىنگۇل-اتىراۋ مۇناي قۇبىرى باسقارماسى وقب ينجەنەرى «قازترانسويل» اق.
«سامۇرىق-قازىنا» كومپانيالار توبىندا كومپانيالار توبىنىڭ بارلىق بەي-جاي قارامايتىن قىزمەتكەرلەرىن بىرىكتىرەتىن SK Volunteer ۆولونتەرلەر ليگاسى جۇمىس ىستەيدى. قاتىسۋشىلار سانى شامامەن 1800 ادام. قور توبىنداعى ۆولونتەرلىك ءتورت باعىت بويىنشا جۇزەگە اسىرىلادى: Qamqor - مۇقتاجدارعا قامقورلىق كورسەتۋ, Umit – قوعامدىق ۆولونتەرلىك, Asyl mura – قازاقستان تاريحىن ساقتاۋعا جاردەمدەسۋ, Taza Kazakhstan – تابيعاتتى ساقتاۋعا ۇلەس قوسۋ.
