مەملەكەتتىڭ قولداۋى مىعىم

413,7 مىڭ ادام جۇمىسقا ورنالاستى

ەڭبەك جانە حالىقتى الەۋمەت­تىك قورعاۋ مينيسترلىگىنىڭ اقپاراتى بويىنشا, وسى جىلدىڭ 11 ايىندا 621,4 مىڭ قازاقستاندىق ناتيجەلى جۇ­مىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدار­لا­ما­سى­­نىڭ قاتىسۋشىسى بولدى. بۇل ارقىلى 413,7 مىڭ ادام جۇمىسقا ورنالاستىرىلسا, ونىڭ ىشىندە 269,2 مىڭ ادام تۇراقتى جۇمىسقا تۇردى. 206,5 مىڭ ادام سۋبسيديا­لا­ناتىن جۇمىس ورىندارىمەن قامتىلدى, ونىڭ ىشىندە 19,1 مىڭ ادام الەۋمەتتىك جۇمىس ورىندارىنا, 34,1 مىڭ ادام جاستار پراكتيكاسىنا, 153,3 مىڭ ادام قوعامدىق جۇمىستارعا ورنالاس­­­تىرىلدى. ەڭبەك رەسۋرستارىنىڭ ۇتقىرلىعىن ارتتىرۋ ماقساتىندا بيىل 1 جەلتوقسانداعى جاعداي بويىنشا جۇمىس كۇشى مول وڭىر­لەر­دەن 5 665 ادام, ياعني 1 610 وتباسى قونىس اۋداردى. قىسقا مەر­زىمدى وقىتۋ كۋرستارىنا 18,7 مىڭ ادام جىبەرىلدى, تەحنيكالىق جانە كاسىپتىك ءبىلىم بەرۋ بويىن­شا وقىتۋمەن 18,4 مىڭ ادام قام­تىل­دى.

«مەملەكەتتىك باعدارلاما اياسىندا جىل باسىنان بەرى جاپپاي كا­سىپكەرلىكتى دامىتۋعا 12 647 ميكروكرەديت بەرىلدى, ونىڭ ىشىندە اۋىل تۇرعىندارىنا 11 162 ميكرو­كرە­ديت بەرىلدى. ميكروكرەديت الۋشىلار 13 585 جۇمىس ورنىن اشتى. سونداي-اق باعدارلاماعا قاتىسۋشىلارعا جاڭا بيزنەس-يدەيالاردى جۇزەگە اسىرۋ ءۇشىن 200 اەك مولشەرىندە 43 مىڭنان اسا مەملەكەتتىك گرانت بەرىلەدى. 1 جەلتوقساندا 42,4 مىڭنان اسا گرانت ءبولىنىپ ۇلگەردى. بۇعان قوسا 33,2 مىڭ ادام «باستاۋ بيزنەس» جوباسى بويىنشا كاسىپكەرلىك نە­گىز­­دەرىنە وقىتۋدان ءوتتى», دەلىن­گەن مينيسترلىك تاراتقان مالىمەتتە.

ايتا كەتەتىن جايت, جۇمىسپەن قامتۋدىڭ 2020-2021 جىلدارعا ارنالعان جول كارتاسى شەڭبەرىندە 6,7 مىڭ جوبانى ىسكە اسىرۋ باس­­­تالدى, وندا 130 مىڭ تەڭگەلىك ورتاشا جالاقىمەن 220,7 مىڭ ادام جۇمىسپەن قامتىلعان. جقجك ينفراقۇرىلىمدىق جوبالارىن ىسكە اسىرۋ 4 نەگىزگى باعىت بو­يىنشا وتەدى. بۇل – الەۋمەتتىك-مادەني نىسانداردى, تۇرعىن ءۇي-كوممۋنالدىق شارۋاشىلىق نىساندارىن, سونداي-اق ينجەنەرلىك-كولىك ينفراقۇرىلىمىن كۇردەلى جانە اعىمداعى جوندەۋ, رەكونسترۋكتسيالاۋ, ەلدى مەكەندەردى ابات­­­تاندىرۋ.

جقجك ينفراقۇرىلىمدىق جوبا­لارىن ىسكە اسىرۋ كەزىندە وتان­دىق وندىرۋشىلەردىڭ كەمىن­دە 90%-ىنىڭ تاۋارلارى مەن قىزمەتتەرىن قولدانۋدى قام­تا­ماسىز ەتۋ – ەرەكشە شارت. جۇ­مىس­شىلاردىڭ كەمىندە جارتى­سىن جۇمىسپەن قامتۋ ورتا­لىق­­­تارى ارقىلى جالداي­دى, با­سىم­دىق جۇمىسسىز جاس­تار­عا بە­رىلەدى. مەر­دىگەرلەر ساني­تار­لىق-ەپي­دەميا­لىق شارالاردى قولدانا وتىرىپ, قاۋىپ­سىز ەڭبەك جاعدايىن قام­تا­ما­سىز ەتۋگە ءتيىس.

سونىمەن قاتار 1 جەلتوق­سان­دا­عى جاعداي بويىنشا وڭىرلەردە 6,7 مىڭ جوبا بويىنشا جۇمىس باس­تالدى, 220 مىڭنان اسا جۇمىس ورنى قۇرىلدى, ونىڭ ىشىن­دە حا­لىق­تى جۇمىسپەن قامتۋ ورتا­لىق­­تارى ارقىلى 116 مىڭنان اسا جۇ­مىس ورنى اشىلدى. باعدار­لا­ماعا قاتىسۋشىلاردىڭ جارتىسى اۋىل تۇرعىندارى, 39%-ى – جاستار جانە 7%-ى – تابىسى از ازا­ماتتار. جقجك شەڭبەرىندە جۇمىسپەن قامتىلعانداردىڭ ەڭ جوعارى ۇلەسى – شىعىس قازاقستان (20,6 مىڭ ادام نەمەسە 109,2%), جامبىل (19,7 مىڭ ادام نەمەسە 100%), اتىراۋ (7,6 مىڭ ادام نەمەسە 106%) وبلىستارىندا.

بۇعان دەيىن حابارلانعانداي, جقجك اياسىندا بارلىعى 255 مىڭ جۇمىس ورنىن اشۋ جوسپارلانۋدا. بۇل رەتتە باعدارلاما بولاشاقتا 100 مىڭنان اسا تۇراقتى جۇمىس ورنىن اشۋعا نەگىز بولادى.

توتەنشە جاعداي كەزىندە دە تولەم توقتامادى

تابىسىن جوعالتقان جاعدايدا مەملەكەتتىك الەۋمەتتىك ساقتان­دى­رۋ قورىنان كولەمى ەڭ تومەنگى جالاقى – 42 500 تەڭگەگە تەڭ بىرجولعى تولەم كومەگىمەن قازاق­­­س­تان­دىقتارعا الەۋمەتتىك قولداۋ كور­سەتىلدى. توتەنشە جاعداي رە­جى­­مى مەن كارانتيندىك شەكتەۋ شارا­لارى كەزىندە كۇندەلىكتى ناپاقا­سىنان ايىرىلعان ازامات­تار مەملەكەتتىك قولداۋدىڭ اتال­عان تۇرىنە يە بولدى. ولاردىڭ ىشىن­دە جالاقىسى ساقتالمايتىن دە­ما­لىستا جۇرگەن قىزمەتكەرلەر, جەكە كاسىپكەرلەر, جەكە پراكتيكامەن اينالىساتىن ادامدار, نى­سانالى جۇمىستاردى ورىنداۋ (قىزمەت كورسەتۋ) سياقتى ازا­ماتتىق-قۇقىقتىق سيپاتتاعى شارت­تار بويىنشا تابىس تاباتىن جەكە تۇلعالار, بىرىڭعاي جيىنتىق تولەمدى تولەۋشىلەر بار.

جاعداي ۋشىعىپ, توتەنشە جاعداي رەجىمى سوزىلعان 11 ما­مىرعا دەيىن 322 ملرد تەڭگە سوم­ا­سىندا 4,6 ملن ادامعا, ال كاران­تيندىك شەكتەۋ شارالارى قولدانىلعان كەزدە 153,2 ملرد تەڭگە سوماسىندا 2,4 ملن ادامعا الەۋمەتتىك تولەم تاعايىندالدى.

كارانتيندىك شەكتەۋ شارا­لا­­رىنىڭ قولدانىلۋ كەزەڭىنە ماسق-تان الەۋمەتتىك تولەم تا­­­­­عايىن­­داۋعا ءوتىنىش بيىل 1 قىر­­­­­كۇيەككە دەيىن قابىلداندى. جال­پى جىل باسىنان بەرى جۇمى­سىنان ايىرىلعان جاعدايدا مەم­لەكەتتىك الەۋمەتتىك ساقتان­دى­رۋ قورىنان الەۋمەتتىك تولەم الۋ­شى­لاردىڭ سانى 92,4 مىڭ ادامدى قۇرادى. بۇل رەتتە 10 747 ازا­ماتقا تولەم قاراشا ايىندا تاعايىن­دال­دى.

قولدانىستاعى زاڭناماعا ساي­كەس جۇمىستان بوساتىلعان قىز­­مەت­كەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە كەيىنگى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەمدەر الادى. تولەم جوعالعان كىرىستىڭ 40%-ىنا دەيىنگى مولشەردە ماسق قاراجاتى ەسەبىنەن جۇزەگە اسىرىلادى. تولەم تاعايىنداۋ ءۇشىن جۇمىستان بوساتىلعان قىزمەتكەرگە ەgov.kz پورتالىندا اۆتوريزاتسيا­­­­­لانۋ, «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» قىزمەتىن تاڭداۋ, ونلاين-قىزمەتكە تاپسىرىس بەرىپ, بارلىق جولدى تولتىرۋ جانە وعان ەتسق-مەن قول قويىپ, ءوتىنىمدى جىبەرۋ قاجەت. ءبىر كۇن ىشىندە تۇرعىلىقتى جەرىڭىزدەگى حالىقتى جۇمىسپەن قامتۋ ورتا­لى­عى بوس جۇمىس ورىندارىن ۇسى­نا­دى, ەگەر جۇمىس تابىلماسا, 3 جۇمىس كۇنى ىشىندە قاشىقتان جۇمىسسىز مارتەبەسى بەرىلەدى.

جۇمىسسىز رەتىندە تىركەلۋ تۋرالى مالىمەتتەر بولعان كەزدە ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەسى پرواكتيۆتى فورماتتا ماسق-تان تولەمدى تاعايىنداۋ بو­يىنشا قىزمەت كورسەتۋگە كەلىسۋ ءۇشىن ءموبيلدى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جا­ۋاپ بەرۋ قاجەت. تولەم اۆتوماتتى تۇردە تاعايىندالادى.

ەستەرىڭىزگە سالا كەتەيىك, ماسق قارا­جاتى ەسەبىنەن جۇمى­سى­نان ايىرىلعان جاعدايدا تولە­نەتىن الەۋمەتتىك تولەم جۇمىستان شى­عۋ سەبەپتەرىنە قاراماستان جۇزەگە اسىرىلدى جانە جۇمىسسىز ادام جۇمىس ىزدەگەن كەزەڭدە ونى قولداۋعا ارنالعان.

بۇدان بۇرىن ايتىلعانداي, ەڭبەك جانە حالىقتى الەۋمەتتىك قورعاۋ مينيسترلىگى وسى جىل­دىڭ 17 قاراشاسىنان باس­تاپ رەسپۋب­ليكالىق ماڭىزى بار قالا­لار مەن وبلىس ورتا­لىق­تا­رى­نىڭ تۇر­عىندارى ءۇشىن تەستىلىك رە­جىم­دە ەلەك­ترون­دى ەڭبەك بيرجاسى ارقىلى حالىقتى جۇمىسپەن قامتۋ ورتالىقتارىنىڭ قاشىق­تىق­تان قىزمەت كورسەتۋ فۋنكتسيو­­­­نالىن ىسكە قوستى. قاناتقاقتى جوبا جۇمىس­سىزداردى تىركەۋ را­سىم­دە­رىن جەڭىلدەتۋ جانە جۇمىس­پەن قامتۋدى قولداۋ بويىنشا مەملەكەتتىك قىزمەتتەردى, ونىڭ ىشىندە جۇمىسىنان ايرىلۋ بو­يىنشا الەۋمەتتىك تولەمدەردى الۋدى جەڭىلدەتۋ ءۇشىن ىسكە قو­سىل­­­­­­دى. ەندى بارلىعىن تەك ينتەرنەت, كومپيۋتەر جانە ەلەكتروندى تسيفرلى قولتاڭبا ارقىلى عانا ىسكە اسىرۋعا بولادى.