سۋرەتشى كوزىمەن
«وسىدان بەس جىل بۇرىن بانككە ماسكامەن كىرگەنىم ءۇشىن سوتتالىپ كەتكەم. بوساپ شىعىپ كەشە سول بانككە ماسكاسىز كىرىپ ەدىم, تاعى دا قولىمدى قايىرىپ 15 كۇنگە جاۋىپ تاستادى. تۇك تۇسىنسەم بۇيىرماسىن» دەپتى ءبىر پاقىر.
* * *
– دارىگەر, كوروناۆيرۋس ىندەتى قاشان اياقتالادى؟
– بىلمەيمىن, مەن ساياساتقا ارالاسپايمىن.
* * *
Zoomجالعان.
* * *
– جانىم, ماعان تۇرمىسقا شىعاسىڭ با؟
– جوق, قازىر ەشقايدا شىعۋعا بولمايدى.
* * *
ماسك مارسقا زىمىران جىبەرىپ جاتقاندا, ءبىز ۇيدە ماسكا تىگۋدى باستادىق.
* * *
اۋزىنان اق يت كىرىپ, كوۆيد شىقتى.
اناعاڭنىڭ ازىلدەرى
اپىرايمەريز...
* * *
بۇرىن كورىنگەنگە جۇدىرىعىن الا جۇگىرەتىن ادامنان شوشۋشى ەدىك, قازىر بۇل – امانداسۋ...
ءجۇز تەڭگەڭ بولعانشا, ءجۇز انتيسەپتيگىڭ بولسىن!
* * *
ۇستىنەن ءسپيرتتىڭ ءيىسى شىقسا, قادىرلى بولاتىن ۋاقىت جەتتى.
* * *
قازاق حالقى شىن مانىندە سالىنار ايىپپۇلدان قورقىپ بەتپەردە تاعادى.
* * *
– قۇرمەتتى, قازاقستاندىقتار! ءبىز بۇگىن كوروناۆيرۋستى انىقتايتىن تەست سىنامالارىن جۇرگىزدىك. وكىنىشكە قاراي, 56 ادامنان جامان اۋرۋدىڭ بەلگىلەرى تابىلدى.
– سوندا جالپى قانشا ادام تەست سىناماسىن تاپسىردى؟
– 56.
* * *
شىنىمدى ايتسام, مەن ءبىرىنشى رەت كوۆيدتىڭ كەسىرىنەن انتالياداعى جازعى دەمالىسىمنان باس تارتتىم! بۇرىن بۇل قادامعا اقشام بولماعاندىقتان باراتىنمىن.
* * *
دوستار, وسى ءبىر قيىن كەزەڭدە ءبىر-بىرىمىزدەن اۋلاق بولۋىمىز كەرەك.
* * *
جاڭا اۋرۋ ءتۇرى پايدا بولدى: «اسيمپتوماتيكالىق ناۋقاستار». بۇرىن ولاردى «ساۋ ادام» دەپ اتايتىن.
* * *
جالعىز اعاش ورمان بولماس,
جالعىز ادامعا ۆيرۋس جۇقپاس.
* * *
كوروناۆيرۋس ۇزاققا سوزىلمايدى. ويتكەنى, ول قىتايدا جاسالعان!
* * *
نەسيەڭىزدى تولەۋگە اسىقپاڭىز. ەگەر بانكتەن حابارلاسسا, جاي عانا جوتەلىڭىز!
ەل اۋزىنان
«جاڭا سوزدىك»
ەنەگۋراتسيا – رەسمي تۇردە كەلىن ءتۇسىرۋ سالتاناتى.
قۇلاعيات – بىرەۋدەن ەستىپ الىپ, ءوزى شىعارعانداي ايتۋ.
پالەگلوت – پالەنىڭ ءبارىن بىلەتىن ادام.
ماسكارالاۋ – بەتپەردەسى جوق ادامدى جازالاۋ.
تىستەپىلەر – ستەپلەردىڭ قازاقشاسى.
ۆۋزارت – ۋنيۆەرسيتەت ساحناسىندا ونەر كورسەتەتىن 2-3 جىگىتتەن قۇرالعان توپ.
لاعىلشىن ءتىلى – شەتەلدىكپەن سويلەسكەندە ءسوز جەتپەي قالعاندا قوسىلىپ كەتەتىن جاڭا ءتىل.
الدار كوشە – بيۋدجەتتەن اقشا ءبولىنىپ, الايدا سوڭىنا دەيىن سالىنباي قالعان كوشە.
ەنەوليت ءداۋىرى – ۇيلەنگەننەن كەيىن باستالاتىن تاريحي كەزەڭ.
كيىت پاراد – قۇدالىقتا جاسالاتىن ءراسىم.
كەمپىريدج – اجە تاربيەسىن بەرەتىن وتباسى ينستيتۋتى.
اشابا – پاندەميا كەسىرىنەن تابىس كوزىنەن ايىرىلعان شوۋمەن.
#بىزبۇرگەمىز – بەتپەردە كيمەي, كارانتين ەرەجەسىن ساقتاماي, وزىنە دە, وزگەگە دە جۇقتىرىپ جۇرەتىندەردىڭ ۇرانى.
پاحانسيا – اكەسى تاۋىپ بەرگەن جۇمىس.
ينستا-پاراقشادان
