وڭتۇستىك قازاقستان • 29 جەلتوقسان، 2020

شىمكەنتتە دارىگەرلەر وكپەسى قاتتى قابىنعان ايەلدى امان الىپ قالدى

87 رەت كورسەتىلدى

شىمكەنت قالاسىندا 17 جەلتوقسان كۇنى جاڭا بوسانعان ايەل اۋىر حالدە پەرزەنتحانادان قالالىق جۇقپالى اۋرۋلار ورتالىعىنا اۋىستىرىلعان. تۇسكەن كەزدەگى جاعدايى وتە اۋىر بولعان، ءارى وزدىگىنەن دەمالا الماعان ناۋقاستى دارىگەرلەر جانساقتاۋ بولىمىندەگى وكپەنى جاساندى جەلدەتۋ اپپاراتىنا قوسقان، دەپ حابارلايدى Egemen.kz

كومپيۋتەرلىك توموگرافيا ناتيجەسىندە ناۋقاس وكپەسىنىڭ 90% زاقىمدالىپ، ەكى جاقتى پنەۆمونيا ەكەنى انىقتالدى. بۇعان قوسا، پتر ساراپتاماسى بويىنشا جاڭا بوسانعان ايەلدە كوروناۆيرۋس ينفەكتسياسى بار ەكەنى بەلگىلى بولادى.

ناۋقاستا تىنىس جەتىسپەۋشىلىگىنىڭ 3-دارەجەسى، ايقىن ينتوكسيكاتسيالىق سيندرومى، ءترومباتسيتتىڭ تومەن بولۋى سىندى اسقىنۋلار بولعان. 1982 جىلعى ايەلگە دارىگەرلەر حاتتاما بويىنشا تولىق ەم كورسەتىپ، انتيكواگۋليانتتى جانە انتيباكتەريلدىق تەراپيا بويىنشا كومەك كورسەتەدى.

«ناۋقاستىڭ قازىرگى جاعدايى جاقسى. وزدىگىمەن تىنىس الۋدا. تىنىس الۋ جيىلىگى جاقسارعان. قانداعى وتتەگى مولشەرى 98 %-دى قۇرايدى. قايتا جاسالعان كومپيۋتەرلىك توموگرافيا قورىتىندىسى وكپە قابىنۋىنىڭ 30 %-عا ازايعانىن كورسەتتى»، دەيدى قالالىق جۇقپالى اۋرۋلار ورتالىعىنىڭ اكۋشەرلىك بولىمىنە جاۋاپتى دارىگەر انەستەزيولوگ-رەانيماتولوگ ايجان بەيسەنگيروۆا.

قالالىق دەنساۋلىق ساقتاۋ باسقارماسىنىڭ ماماندارى بۇگىندە ازاماتشانىڭ دەنساۋلىعى جاقسارىپ، 29 جەلتوقسان كۇنى اۋرۋحانادان شىققانىن حابارلادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار