اكىمدىككە قاراستى اۋىل شارۋاشىلىعى جانە جەر قاتىناستارى باسقارماسىنىڭ باسشىسى تيمۋر بيسيمباەۆتىڭ ايتۋىنشا, قارابالىق اۋدانىنداعى «كومسومول» قۇس فابريكاسىن قالپىنا كەلتىرۋ جانە جاڭعىرتۋ بويىنشا «Poultry-Agro» جشس جوباسى ىسكە اسىرىلىپ وتىر. فابريكانىڭ جۇمىسى 2013 جىلى تۇرالاپ قالعان ەدى. ال 2017 جىلى ول بانكروتقا ۇشىرادى. قۇس فابريكاسىنىڭ قارابالىق اۋدانى اكىمدىگى مەن «قازاگروفينانس» اق الدىنداعى قارىزى 3 ملرد تەڭگەگە دەيىن جەتكەن.
«قازاگروفينانس» اق بۇل جوبانى ىسكە اسىرۋدى 2009 جىلى قولعا العان. سول كەزدە ينۆەستجوبا سەرىكتەستىككە دە, مەملەكەتكە دە ەشقانداي پايدا اكەلمەگەن. بۇگىندە فابريكانىڭ بارلىق ماسەلەلەرى شەشىلدى.
«جاڭعىرتۋدىڭ ءبىرىنشى كەزەڭىندە جىلىنا 5 مىڭ توننا برويلەر ەتىن ءوندىرۋ جوسپارلانۋدا, وندىرىستىك قۋاتى 12,5 مىڭ توننا ەتتى قۇرايدى. جوبا «قاراپايىم زاتتار ەكونوميكاسى» باعدارلاماسى ارقىلى جۇزەگە اسىرىلىپ جاتىر. فابريكانىڭ بۇكىل وندىرىستىك قۇرىلىمىن جاڭالاۋعا شامامەن 5,6 ملرد تەڭگە جۇمسالادى. ناتيجەسىندە 260 جاڭا جۇمىس ورنى پايدا بولادى», دەيدى تيمۋر بيسيمباەۆ.
ارقالىق قالاسىنداعى «اگروينتەرپتيتسا» جشس جۇمىسىن قالپىنا كەلتىرۋ شارالارى قابىلداندى. كاسىپورىنعا قىرىلىپ قالعان 450 مىڭ قۇس ءۇشىن 482,5 ملن تەڭگە وتەماقى تولەنگەن.
ەسكە سالا كەتەيىك, ارقالىق قالاسىنداعى قالا قۇراۋشى كاسىپورىن «اگروينتەرقۇس» جشس جۇمىسىن ۋاقىتشا توقتاتقانىن حابارلاعان ەدىك. ەلدەگى جوعارى پاتوگەندى قۇس تۇماۋىنىڭ تارالۋىنا بايلانىستى كاسىپورىندا 502 600 قۇس قىرىلدى.
