قىرعىزستاننىڭ بىشكەك جانە وش قالالارىنىڭ مەرلەرىن سايلاۋ ناۋقانى 2014 جىلعى قاڭتار ايىندا وتەدى. مۇنى «استانانىڭ مارتەبەسى تۋرالى» جانە «وش قالاسىنىڭ مارتەبەسى تۋرالى» زاڭدار قابىلدانۋىنا باستاماشى بولعان پارلامەنتتەگى «اتا مەكەن» فراكتسياسىنىڭ ليدەرى ومۋربەك تەكەباەۆ سەنبى كۇنى كيرتاگ تىلشىسىنە باياندادى.
«بىشكەك جانە وش قالالارىنىڭ مەرلەرىن سايلاۋ 2014 جىلدىڭ ورتاسىنان كەشىكپەي وتكىزىلەدى», - دەپ مالىمدەدى تەكەباەۆ. ول سونداي-اق پرەزيدەنت قول قويعاننان كەيىن «استانانىڭ مارتەبەسى تۋرالى» جانە «وش قالاسىنىڭ مارتەبەسى تۋرالى» زاڭداردىڭ ءباسپاسوز جاريالانۋى ءتيىس ەكەنىن دە ءتۇسىندىردى. «زاڭدار كۇشىنە ەنگەننەن كەيىن 10 كۇن مەرزىمنىڭ ىشىندە ورتالىق سايلاۋ كوميسسياسى سايلاۋدىڭ وتەتىن ناقتى ۋاقىتىن بەلگىلەۋى ءتيىس», - دەدى ول. فراكتسيا ليدەرى ايتىپ وتكەندەي, پرەمەر-مينيستر مەن قالالىق كەنەشتەر مەر ورىنتاعىنا ۇمىتكەرلەردىڭ اتى-جوندەرىن سايلاۋ وتەتىن كۇن بەلگىنەننەن كەيىن 20 كۇننەن كەشىكتىرمەي اتاۋلارى كەرەك.
«وسىلايشا بىشكەك پەن وشتىڭ مەرلەرىy سايلاۋ الداعى جىلدىڭ قاڭتار ايىنىڭ ورتاسىنا كەشىكتىرىلمەي وتۋلەرى ءتيىس», - دەپ ويىن تۇيىندەدى تەكەباەۆ.
بۇعان دەيىن حابارلانعانداي, «استانانىڭ مارتەبەسى تۋرالى» جانە «وش قالاسىنىڭ مارتەبەسى تۋرالى» زاڭداردى جوگوركۋ كەنەش 31 قازان كۇنى قابىلداعان بولاتىن. زاڭدار پرەزيدەنتتى قول قويۋى ءۇشىن ونىڭ اپپارتىنا 13 قاراشا كۇنى جىبەرىلدى.
زاڭناماعا سايكەس, ەندى پرەزيدەنت ءبىر ايدىڭ ىشىندە ولارعا نە قول قويۋى, نە كەرى قايتارۋى ءتيىس.
ەسكە تۇسىرە كەتەيىك, پرەمەر-مينيستر جانتورو ساتىبالديەۆ وش قالاسىنىڭ مەرى مەليس مىرزاكماتوۆتى ورنىنان بوساتۋ تۋرالى وكىمگە 5 جەلتوقساندا قول قويدى. ال بىشكەك قالاسىنىڭ اكىمى يسا ومۋركۋلوۆ سونىڭ الدىندا ءوز ەركىمەن وتستاۆكاعا كەتكەن بولاتىن.
ايتقانداي, وش قالاسىندا كەشە باستالعان ەرەۋىل كەشكە قاراي تاراپ كەتتى. وندا جينالعاندار الدىنا م.مىرزاكماتوۆتىڭ ءوزى شىعىپ, الداعى سايلاۋعا ءوزىن-ءوزى ۇسىناتىنىن مالىمدەدى.
ساكەن مايلىباي.
دەرەككوز: كيرتاگ.
