اتالعان ءىس-شاراعا كوميتەتتىڭ جەكە قۇرامى, سونداي-اق بەينەكونفەرەنتسيا ارقىلى اۋماقتىق بولىمشەلەر قاتىستى.
كەڭەس بارىسىندا و.بەكتەنوۆ: «قۇقىق قورعاۋ ورگاندارىنىڭ قىزمەتكەرلەرى مەن سۋديالار زاڭدىلىقتىڭ, قۇقىقتىق ءتارتىپتىڭ كەپىلى بولۋعا جانە سىبايلاس جەمقورلىق قىلمىستارىن جاساعانى ءۇشىن نەعۇرلىم قاتاڭ جازا قولدانىلۋى ءتيىس», دەپ اتاپ ءوتتى.
وسىعان وراي بىرقاتار سىبايلاس جەمقورلىق قىلمىستارىن جاساعانى ءۇشىن سانكتسيا مەن قۇقىقتىق سالدار (قك 361, 364, 365, 366, 369 جانە 370-باپتارى) قۇقىق قورعاۋ ورگاندارىنىڭ قىزمەتكەرلەرىنە كۇشەيتىلدى.
ماسەلەن, قىلمىستىق كودەكسكە جاڭا تۇزەتۋلەر ەنگىزىلگەننەن كەيىن قۇقىق قورعاۋ ورگانى قىزمەتكەرىنىڭ نەمەسە سۋديانىڭ پارا الۋى (50 اەك-كە دەيىن) اۋىر سىبايلاس جەمقورلىق قىلمىس بولىپ سانالادى جانە 6 جىلعا دەيىن باس بوستاندىعىنان ايىرىلادى, كاسىپكەرلىك قىزمەتكە 2 جىل ەمەس, 5 جىلعا دەيىن باس بوستاندىعىنان ايىرىلادى, ال مۇنداي قىزمەتكە زاڭسىز قاتىسقانى ءۇشىن 1 جىل ەمەس, 2 جىلعا دەيىن باس بوستاندىعىنان ايىرۋ كوزدەلگەن. قۇقىق قورعاۋ ورگاندارى باسشىلىعىنىڭ جانە سۋديالاردىڭ وسىنداي ارەكەتتەردى جاساۋى تيىسىنشە 8 جىلعا دەيىن جانە 5 جىلعا دەيىن ودان دا قاتاڭ جازاعا اكەپ سوعادى.
سونداي-اق اۋىر جانە اسا اۋىر سىبايلاس جەمقورلىق قىلمىستارى ءۇشىن سوتتالعان ادامدار شارتتى تۇردە مەرزىمىنەن بۇرىن بوساتۋدىڭ كۇشىن جويۋ جانە مەملەكەتتىك قىزمەتشىلەر ءۇشىن شەتەلدىك بانكتەردەگى شوتتاردى يەلەنۋگە تىيىم سالۋ تۋرالى اتاپ ءوتىلدى.
